رواية جرحني و صار معشوقي بقلم الكاتبة رسمتك حلم البارت 20

البارت العشرين***


إختفت إبتسامتها بصدمه وهي تناظر اللي قدامها....

خــــــــــــــــــالـــــــــد

تغطت بسرعه لماشافته مومنتبه لها وجالس مع أصحابه...

إستغرب بندر لماشافها تغطت..
وزاد إستغرابه لماقامت..

بندر:وين ياقلبي

رنا وعيونها ع خالد ولد عمها تخاف يعرفها:لازم أمشي اللحين حبيبي.

بندر:أيوه بس لسى تونا جالسين ماشبعت منك

أخذت شنطتها :سوري قلبي ماقدر أتأخر باي

وقفهابسرعه:لحظه لحظه

ناظرته وهو يرفع الكيس وباقة الورد وقدمها لها:تفضلي ياأحلى
وأجمل رنو

لمعت عيونهابسعاده وأخذتها:يسلمو حياتي

صافحته وطلعت

**************

ريـــــــــان

ماصدقت مرام اللي تشوفه ريان حاضن تولين ويحميها من أمه مستحيـــــــــل

تولين تجمدت في حضنه لماسمعت صوته

العمه:أبعد ياريان عن وجهي خلني أأدبها الواطيه هذي

ضم تولين له:لا يمه خلاص إلا الحرق علشاني يمه

دخل للبيت وسمع أصوات جايه من المجلس

دخل وإنصدم من اللي يشوفه

توليـــــــــن في حضن أخوه ريان..

حس بالنار تشتعل داخله وسحب ريان بقوه عنها ودفه بعيد:إبعـــــــــد عنهـــــــــا

سحب تولين لحضنه وعيونه مصدومه تطالع السكين اللي بإيد أمه..

شهقت تولين لماصارت في حضنه مصدومه..

ناظرأمه:يمــه إنتي إيش قاعده تسوين

العمه مقهور وداخلهابراكين بتتفجر داخلها بغضب لماشافت عيالها يحمون تولين منها...

أما مرام تحس راسها بينفجر موقادره تستوعب..
ريـــــــــان وزيـــــــــاد

كلهم يحموا توليـــــــــن ..

إنصدمت لما فكرت إنهم ممكن يحبوها كلهم..

يعني خســـــــــرت الإثنيـــــــــن..

أخذتهم منها توليـــــــــن كلهم..

حقدت ع تولين حقد وقهر وكره

راحت وسحبت تولين من زياد بقوه وإيدها الثانيه سحبت السكين ..

كان اللي يحركها قهرها وكرهها وحقدها أعماها..

كانت بتحط السكين ع وجهه تولين..لكن صدمتها كبرت لماحالت إيد زياد عن وجه تولين واستقرت السكين ع إيده

صرخ متألم وهو يدف مرام بعيد

طاحت ع الأرض والصدمه ألجمتها ....

ركضت العمه لولدها:زيـــــــــاد

ريان كان يطالع اللي يصير منصدم..زياد يحب تولين

تولين تناظر إيد زياد المحروقه ودموعها تنزل والصدمه ضيعت الحروف عن فمها ولاقدرت تنطق بحرف...قلبها للحين تحس بضرباته السريعه..

ناظرتها عمتها بحقد:كلـــه من تحت راسك يالحيوانه

إرتجفت بخوف لماشافت عمتها ترفع السكينه عن الأرض..

وماحست إلا بإيد ريان تسحبها وتطلعها من المجلس..

تركت إيده برعب وركضت داخل لغرفتها..دخلت وسكرت الباب قفلته مرتين وهي ترتجف

*****************

دخلت للبيت وقابلت فيصل واقف عند الدرج ومتكي ع الدرابزين ومعاه جواله...

أول ماشافها طاحت نظراته ع اللي في إيدها..

تقدم ناحيتها وهويسكر جواله ويدخله في جيب بنطلونه الزيتي:ووووووووو ..ورد وهدايا من وين جايه..

طاح قلبها من نظراته وخافت..لايكون خالد شافني وقاله لا لا لا أكيد لوإنه شايفني كان ماسكت وطربقها ع راسي..

إنتبة ع إيده اللي سحبت منها الورد..وحمدت ربها إنها شايله البطاقه اللي فيها..

قالت بعصبيه:خير..إيش هاللقافه جيب الباقه

ناظرالباقه ثم رفع عيونه لها:من وين لك هالباقه والهديه..

ناظرته بقهر:وإنت شعليك ..

سحبت منه الباقه ومشت تاركته

طاحت منها العلبه من الربكه وانحنت بترفعها إلا شافت جزم فيصل البيض قريب منها وإيدها ترفع الهديه..

ناظرته وهو يطالع الهديه:يعني مانتي قايله من وين لك

خافت من صوته وهي خلقه قلبها يضرب قالت وهي تاخذ الهديه منه:شاريتهالدلال علشان ملكتها إرتحت اللحين أففففف..

تأففت وهي تصعد الدرج بس فاجأها صوته العالي:إن شفتك طالعه بهالشكل وريحة عطرك واصله قبلك قصيت رقبتك سامعه..

تجاهلته وراحت لغرفتها دخلت وسكرت الباب بقوه:اففففف تخلللللف

جلست وفتحت الهديه ناظرت العلبه الحمرا وفتحتها..

توسعت عيونها بانبهار وهي ترفع الساعه:وا ا ا ا ا او تجنن

ضمتها لصدرها بتنهيده:فديتك بس

سمعت صوت جوالها وأخذته من شنطتها بسرعه وردت:هلا حبيبي

جاها صوته الهامس:عجبتك الهديه قلبي

قالت بدلع:تسلم حبيبي مرره ذوق

وقضت ساعات وهي تسمع لغزله وحكيه المزيف ودلعها وغنجها في حكيها اللي ذوبته فيه..ومتناسيه إن فوقها رب يشوفها ويسمع كل شئ ..ومحاسبه ع كل كلمه وكل حرف تسمعه منه وتقوله له..والله يمهل ولايهمل..

*************

دخلت للقصر مستعجله وكانت بتفسخ عبايتها بس فاجأها صوت فيصل اللي وقف قلبها:ياهلاوالله وغلا ببنت العم

تلعثمت وارتبكت وحالتها حالها لمارجع لها شعورها اللي لخبطها...

بلعت ريقها وهي تشوفه واقف قدامه بقميص أبيض عليه حروف من عند الكتف زيتيه وبنطلون زيتي..

قالت بصوت ثابت:هلا فيصل

رفع حاجبه باستغراب من أدبها المفاجأ..

إنقهرت من حركته وقالت:وين ريم

دخل إيده في جيبه كأنه يدور شئ وناظره:للأسف موموجوده..

ناظرته باستخفاف وقهر:ياخف دمك مرره خفيف

فيصل:عارف ودك دمك الثقيل يصير مثله بخفته بس للأسف لاتحاولي

ناظرته مقهور ومشت:أنا ليه مضيعه وقتي وواقفه مع بزر

صعدت فوق بسرعه وهي تسمع ضحكته اللي رفعت ضغطها..

دخلت ع البنات في غرفة لميس:سلام

:وعليكم السلام

حطت عباتها ع الكرسي:صدق اللي سمعته..حددتوا الملكه

ريم:أيوه

أمل حطت إيدها ع قلبها:ياعمري ياولد عمي حددوا موعد شقاك والله إني حزينه عليه..أروح أذبحها وأفكه منها

ضحكوا البنات:ههههههههههههههه

جلست أمل قدامهم:والله إني لماعرفت لبست عباتي وجيت ماشوف طريقي

ناظرت رجولها:أشوه إني ماجيت حفيانه وإلا علي نعال الخدامه

لميس:ههههههههههه

ريم:والله مقهوووره..

أمل:إيش نسوي كلنا مقهورين موبس إنتي..بس يالله عساها تحترق بفستان عرسها

ماتت ضحك لميس وريم بضحكه:آمين ههههه

*****************

سميه:واللـــــه

سديم:يب قبل شوي أمي قالتلي

سميه:ياعمري ياريم تلقينها اللحين مطرطعه من القهر

رفعت راسها شهد اللي كانت جالسه تلعب بعروستها:مين اللي يبي يعرس

سديم:خالك رعد

شهد :هذاك المزيون..يارب إن شاء الله ياخذ ذيك ام عيون زرق

ضحكت سميه:لا مو لميس بياخذ دلال

عقدت حواجبهاتفكر:منهي دلال.........(توسعت عيونهابشهقه)عساها ذيك اللي جايه بقميص النوم حق أمها ياحول شكلها مالقت شئ تلبسه ولبسته أم كشه صففففرا مادري ذهبيه...ياكافي وراه كذا صابغتن شوشته قضن الصبغات مالقت إلا هذي

البنات متسدحين ضحك موقادرين يوقفوا ضحك..

سميه تمسح دموعها وتتنهد:آ آ آ آ آه ياربي..ودك لوتسمعك اللحين والله إن تنتحر

شهد بلامبالاه:أحسن خليه تسمعن علشان ماتغلط وتلبس هالبس عصاقيله طالعه وظهره فرحانه إنها بيضا هي وكشتها
أنا أبيض منها ولا طلعت عصاقيلي شوفي(وهي ترفع طرف بيجامتها)

سديم ما*** بطنها اللي آلمها من الضحك:شهـــــــــد خلا ا ا ا ا ا ا ا ا اص آ آ آه بطنيي

شهد كشرت:وشوله تضحكين علي أحسن خلي مصارينك تمزع

سميه:وووع

دخل ماجد:خير شفيكم

سديم تأشر عليها بضحكه:تكفى شيلها عني بمووووت

ماجد:الحمدلله..قومي إعتدلي في جلستك وبطلي ضحك

عدلت جلستها وتحاول تمسك ضحكتها لين هدت من نوبت الضحك

قامت شهد عن الأرض وجلست جنب ماجد وهي مطيره عيونها عليه

ناظرها:بسم الله..خير شعندك

شهد:جبت لي مالتيزر

ناظرها:لاصرت سواقك قولي ماجبت لك

تخصرت وهي توقف:وليه ماجبت لي عماني إذا قلتلهم جابوا لي إلا إنك ليييييش

ماجد وكأن يحاكي نفسه:أيوه أكيد ماكلتهم بلسانك لين جابوا لك

شهد لوت فمها بقهر:خير

دفها ع خفيف:يالله هناك

وطت رجله وإنحاشت لأمها

ماجد:ووجع ..بعد تعرف المالتيزر هالنتفه

**************

طلعوا يتمشوا في الحديقه..
ودخلوا قسم رعد ..

أمل تناظرالحديقه:والله ماتستاهله هالدلالوه

ريم :صادقه..أقطع إيدي إذا ماتزوجته علشان هالقصروفلوسه

أمل:لاتقطعينه ولاشئ ..واضح أصلا

:شو تســـــوووون هنا

لفو وشافوا دلال واقفه تناظرهم

ريم:إنتي اللي شو تسوين هنا ومين أذن لك تدخلي

دلال تمشي بغرور:مو محتاجه إذن علشان أدخل بيتي

أمل باستهزاء:بيتك

دلال تناظرلميس:طبعابيتي إنتي ناسيه إنو خلاص أنا زوجة رعد وهذا بيتي..ويالله برى لوسمحتوا

ريم بقهر من وقاحتها تقدمت لين صارت في وجهها ورفعت إيد دلال:إذا لبسك رعد الخاتم ..وأخذك من بيت أهلك صا ا ا ار بيتك..

تركت إيدها بقرف:ويالله برى بسكر البوابه

ناظرتها دلال وهي تفور قهر وغضب :بنشوف ياريم مين اللي يدخله أنا وإلا إنتي..
وقريب إن شاءالله

طلعت مقهوره لماسمعت ضحكهم الساخر...

***************

مرت الأيام والكل إستعد للملكه
ودلال طايره من الفرحه وتعد الأيام
أمارعد فكان با ا ا ا ارد وها ا ا ادي ولا كأن ملكته قربت كأنها ملكت واحد غيره والكل مستغرب منه



في الليل دقت هند ع لميس وقالت لها إن أخوها راح يوصل أغراض لها

طلعت لميس في الحديقه وقالت لميري تجيبهم ..دخلت ميري ومعاها الكيس إلا رعد ماخذ منها الكيس راحت لميس بسرعه وسحبته منه:لاتتدخل في شئ مايخصك

ناظرها نظرات حاده:وهدايا بعد..مايفهم هذا وإنتي فرحانه..
جيبي الكيس

إنقهرت منه وهي حاطه الكيس خلف ظهرها:إنت معطي نفسك أكثر من حجمك ع فكره

ولفت ماشيه بسرعه..حست بإيده تسحب منها الكيس وترميه بعيد...

شهقت لماسمعت اللي داخله يتحطم وصرخت في وجهه:إيـــــــــش سويـــــــــت

مسك إيدهابقوه:لاتصرخي لا أقص لسانك..أناسكت عن تصرفاتك كثير وأنا للأسف اللي بحط حد لها

ترك إيدها وقال بسخريه:بعوضك عنها في زواجنا

شهقت مصدومه لمااستوعبت اللي قاله:ز..زوا..جنا

رعد نظرته غير بصوته الساخر:جهزي نفسك ياحلوه

ومشى وتركها بحالة ذهول وصدمه....أي زواج ..ودلال ..دلال خطيبته و...أنا أتزوج من أكره مخلوق شفته بحياتي مستحيـــــــــل

صرخت فيه:yoouu Dreeeaaming‏ مستحـيـــــــل مستحيـــــــــل أوافق عليك

ماتدري كيف وصل لهابالسرعه بس الأكيد إنها تحس بانفاسه الحاره قريب منها وصوته اللي أرعبها:غصـــــــــب عنك بتوافقي ولاتظنين إني ميت عليك..لا ا ا هذي إرادة أبوي
وإنتي عارفه إني لايمكن أقول له لا لأنك للأسف بنت عمي وفي وجهي

لميس:إنت غلطان الظاهر إنك تفكرني دلال خطيبتك واللي ملكتك عليها الأسبوع الجاي

شافت وجهه تغير وإبتسامه بارده إرتسمت ع وجهه:عادي يجوز عروسين في يوم واحد

صرخت:مستحيـــــــــل إنت كفوك دلال وبس أما أنا لا وألف لا

غرس أظافره في كتفها بشكل مؤلم :ماخذك ماخذك طال الزمن أو قصر سامعه ..وملكتنا الاسبوووووع الجا ا ا اي نفس موعده سامعه

تركها وناظرها بثقه واحتقار:وكانك بترفضين طلب عمك اللي حافظ عليك ولمك في بيته وعيشك أحسن عيشه إرفضي ولده

أصـــــــــاب هدفه ونقطة ضعفها...

تمردت ع عقلها وقلبها وقالت بضعف وقهر:برفض برفض لو إنت آخر رجال في الدنيا لو أعيش في الشارع ماأخذتك

عصب منها كان عارف إنها ماتقدر تقول لا وترفض بعد اللي سواه أبوه علشانها وبعد ماأصاب اللي يبيه...لكن قهره إستحقاره ورفضه له :وإنتي لو ماحطيتك في راسي وبغيت أربيك من جديد وألم فضايحك كان ماأخذتك لو آخروحده في العالم..لأني مايشرفني آخذ وحده ممكن وأكيد تكون مستعملــــه

كانت تناظره بصدمه والحروف ضاعت وتبخرت..دموعها أحرقتها حرق وغصاتها تحسها جمر حارق في حلقها ..رجولها تحسها إنشلت وكلمته تضرب في راسها...

تركها ومشى داخل...

تفجرت دموعها بألم وذل ..طاحت ع الأرض وهي تشاهق :را ا ا امي وينــــك..إختك..حبيبتك تمووت إنهانت إنذلت آ آ آ آ آه رعد ذبحنـــــــــي...أكرهـــــــــه

********************************
.
.
.
.
.****************

نزلت بسرعه ع الدرج ودخلت للصاله:يمـــــــــه

أم عبدالله:بسم الله شفيك

دلال معصبه:صدق اللي سمعته

أم عبدالله:وش سمعتي

دلال جلست مقهوره:الملكه بيحطونها في قصرهم

أم عبدالله:وليه معصبه

دلال:مو ع كيفهم يقررون ولا يشاوروني

رشا دخلت:وإنتي وين تبغيها حضرت جنابك

دلال بغرور:أبغاها في ال

التفت لأمها باصرار:دقي ع خالتي وقولي لها دلال ماتبغاها في القصر تبغاها في ال

رشا إبتسمت بسخريه:واثقه إنهم بيوافقوا

دلال بغرور:غصب بيوافقوا

***************

جالسه في الصاله وتاكل في أظافيرها وعيونهامافارقت باب غرفة تولين...

الأفكار مزدحمه في راسها بخباثه وحقد..

من ذاك اليوم اللي ألهب شرارة الحقد والكره داخلها وهي بزحمة أفكارها تدور ع فكره تنتقم فيها وتشيل تولين من طريقها وحياتها..

قامت وقربت من الباب ..قربت إذنهامن الباب ماسمعت صوت..

حاولت تفتحه مانفتح..كانت تسب وتلعن الخدامه اللي أعطت المفتاح لزياد وهي تجهل السبب اللي خلاه يعطيها المفتاح علشان تقفل عليها الباب..

إبتسمت باستهزاء والدم يغلي في راسها من راودتها فكرة إنه بيحميها منها وشدت قبضتها ع الباب..

ضربت الباب بقبضة إيدها عدة مرات وهي تنادي تولين وتهددها إذا مافتحت الباب...

داخل الغرفه وفي زاويتها بالتحديد ..

كانت جالسه ع الأرض وضامه رجولها لصدرها وإيديها تغطي أذانها علشان ماتسمع صوت الضرب ع الباب وصراخ إختها بخوف وهي ترتجف وتدعي ربها يبعد شرها عنها ..

غمضت عيونها بقوه ودموعها تنزل برعب لماحست إن الباب بينكسر من قوة الضرب..

تبددت قوتها وأبعدت عن الباب وهي تتوعدها ...

****************

من قالت لها ريم إن عمها يبغاها وهي عايشه برعب وخوف وقلبها يضرب بقوه .خوف من أن يكون حكي رعد صحيح..

قررت في قرارة نفسها إنها ترفض ومستحيل ترضى حتى لوكان عمها مستحيل راح تضيع حياتها معاه وتعيش العذاب مره ثانيه لأن الحياة مع رعد هي الذل والعذاب بحد ذاته..
وعمها مستحيل راح يجبرها عليه..

بس أنا ليه مستعجله يمكن يبغاني في موضوع ثاني مايتعلق برعد يمكن يكون يكذب..

وقفت عند باب مكتبه وزفرت بهدوء وإصرارها يزيد ويبعث فيها الطمأنينه..

دقت الباب ولماسمعت صوته فتحته ودخلت...

**************

دخل غرفة إخته بعد مادق الباب وشافها جالسه ع سريرها وتحكي في الجوال

بسام رفع حاجبه:سكري بحاكيك

ناظرته وأشرت له بلا ..

ناظرها بتهديد..وغمزت له وهي تضحك..

مافهم عليها وناظرها مستغرب:إيش

قالت بعمد:أيوه ريم كملي

إبتسم بفرحه وقرب منها وهمس:كيفها

البندري بخبث:أقول ريمو..بسام يقول كيفك

ريم إنفجعت:ها....

البندري:ههههههه شفيك

ريم إرتبكت :وشو

البندري ناظرت بسام وهي تضحك:هههههه ضف وجهك البنت بلعت لسانها وصارت تتلعثم..

ريم تمنت تطب في بطن البندري وتحوسها

همست بغيض:بندري

بسام إبتسم:فديتها

ريم سمعته وماتت من الحيا وبنفس الوقت فرحانه

البندري:تراي عطيتك وجه يالله برى

ضحك وطلع وقلبه وعقله عند ريم..

************

دلال:والله

هدى:أيوه بس أنا رفضت

دلال تلعب ع هدى بأفكارها:صدق ماعندك سالفه ليه رفضتي

هدى:أخاف

دلال:إيش تخافي منه مارح ياكلك

هدى بتردد:لاماقدر

دلال بخبث:إنتي تحبيه

هدى:أموووت فيه

دلال بضحكه شيطانيه:خلاص اطلعي معاه ..إذا رفضتي إنك تطلعي معاه راح يحسك ماتحبيه وماتثقي فيه ويتركك..ساعتها بتعضي أصابع الندم

هدى بخوف:لا إن شاءالله لاتخوفيني

دلال:كيفك أنا قلتلك وإنتي الخسرانه

هدى:خلاص بطلع معاه بس مكان عام

دلال إبتسمت:براحتك..بس أهم شئ ماتطيريه من إيدك

سكرت من دلال وقررت تنصاع لدلال وافكارها اللي بتوديها لطريق الهلاك...

**************

لها أكثر من دقيقه عايشه بترقب وخوف من سكوت عمها..

رفعت راسها وناظرته..ذاب قلبها لماشافت نظراته الحنونه
وسمعت صوته الحنون المحب..

أبورعد:إنتي بنت أخوي الغالي وغلاتك من غلات بناتي أنا يابنتي..

نزلت راسها لماسمعت كلمته (بنتي)..ودموعها غرقت عيونها من نبرة الحنان في صوته وعيونه..

أبو رعد:أبيك تكوني قربي وحوالي ..وماأبيك تكوني بعيده عني ..(سكت شوي وكمل)ولدي رعد خطبك مني..

رفعت راسها بصدمه وكل أمل داخلها تبخر..

أبورعد حط إيدها ع كتفها بحنان:ورعد ولدي وتربيتي وبيحافظ عليك وبيظل قلبي متطمن عليك معاه ومرتاح ..

ناظرها:ها لميس إيش قلتي

فتحت فمها بتقول لا بس ماقدرت ..نزلت راسها وغمضت عيونهابقهر..

كل إصرارها وقرارها ورفضها تبخر من شافت وجه عمها والفرحه بعيونه..

إبتسم عمها بفرحه لماشاف سكوتها وفسره ع إنه خجل ..

ضمها لصدره وهو يمسح ع شعرها:مبروك يالميس..مبروك يابنتي

غمضت عيونها تداري دموعها

ماقدرت ترفض..ماقدرت تكسر فرحته في ولده وفيها ..وهواللي كان يفرحها ..

ماحد حافظ عليها ولمها في بيته وعاملها مثل بنتها غيره..

ماحد انتشلها من بيت زوجة أبوها وأخذ حقها غيره..

مستحيـــــل تكافئه برفض ولده وكسر فرحته مستحيل..

دخلت غرفتها وإرتمت في سريرها تبكي..

تبكي أحلامها..تبكي ضعفها..تبكي حياتها...

دخلت عليهاريم مفجوعه:لميــــس شفيـــــك

كانت محتاجه لحضن تفضفض له يخفف عنها

رمت نفسها في حضن ريم تبكي بقوه..

ريم ارتعبت:لميس شفيك..خوفتيني تكفين قولي لي

لميس بين شهقاتها:بـ ـتزوج.....رعـ ـد...

شهقت بصدمه:إيـــش
شقلتي بتتزوجي رعد ودلال ..

ضمت لميس لها تهديها..وداخلها بتطير من الفرحه..يعني رعد ماراح ياخذ دلال..وا ا ا ا ا ا او الحمد لله يارب ..بياخذ لموس..

إختفت إبتسامتها لماإستوعبت طبيعة العلاقه السيئه بين رعد ولميس..

بس مع ذلك ماقدرت تخفي فرحتها ودها تشوف وجه دلال لماتعرف..

**************

:إيـــــــــش

ريم بفرحه:والله العظيم

أمل:إنتي متأكده

ريم:أيوه..متأكده أبوي حكى مع لميس اليوم

أمل تدور في الغرفه وهي ترقص:وا ا ا ا ا ا او ونا ا ا اسه
آ آ آه ياشماتتي فيك يادلالووه

ضحكت ريم:تصدقين نفسي أشوف وجهها ههههه

أمل:تصدقين للحين مانسيت شماتتها بسميه ربي ردلها اللي سوته في سوسو

ضحكت ريم:أيوه صح

*************

صحت لميس وتحس راسها مصدع ..أخذت لها شور..وهي تحت المويه تذكرت إنهاراح تكون زوجة رعد..

نزلت دموعها واختلطت بالمويه..

تذكرت نظرات رعد اللي كانت
كـــــره...إحتقـــار...حقــد...سخريـــه..

غمضت عيونها وكل كلمه قالها لها من شافته تتردد في راسها..

ليــــه رعد اللي تكره تشوفه نظراته أو تسمع حكيه اللي يسمها ...يصير زوجها..

**************

أم رعد بعصبيه:يعني كيف

أبورعد:اللي سمعتيه رعد بيتزوج لميس

أم رعد:ودلال إحنا خاطبين دلال

أبورعد عصب:مابقى إلا أزوج ولدي لهذي اللي لاتعرف الحيا ولا المستحا

أم رعد :مستحيل..إحنا خلاص حددنا الملكه وجهزنا لها بعد ثلاث أيام وعزمنا الناس كيف اللحين كل شئ ينتهي

أبورعد بعصبيه:وإنتي تحددي ولا تشاوري..ماحد قالك تتصرفي بدون إذني هذا زواج ولدي يعني كل شئ يتم برضاي أنا..وإذا ع الموعد والناس أوك مايتغير ويكون موعد ملكة رعد ع لميس

أم رعد:أنا شاورتك وإنت سكت يعني موافق

ناظرها بقهر:لا موموافق ..بس قلت اللحين ترجعي لعقلك وتعرفي إنك غلطانه دلال ماتصلح له

أم رعد:يعني كيف إيش أسوي ماقدر أقول لأختي إننا خلاص مانبغى بنتك ..موحلوه بحقها

أبورعد:إنتي اللي تصرفتي وسويتي اللي في راسك خلاص تصرفي وقولي لها

ناظرته بأمل:طيب يتزوجهم كلهم ياخذ دلال ولميس ..ولدي رجال ومايعيبه شئ ياخذهم..ولا أكسر بخاطر إختي وبنتها

ناظرها بغصب:بنت أخوي ماتصير ع ضره سامعه ..مستحيل فاهمه ..دقي ع أختك وتفاهمي معاها..ورعد ماياخذ غير لميس ..

طلع من عندها وأم رعد مصدومه وثايره داخلها ع لميس وماتدري كيف تقول لأختها.....

**************