تقبل إحساسي وحبي وشكري

الصدر ضايق..وإنت ضيقت صدري
وأنا معك من غير وجهه وتحديد
ياكثر ماتجرحني ويزيد صبري
كنك تقول : أزيد!!وأقولك لك : زيد
تقول : ياعمري..وأقول لك : إنت عمري
كني وراك أسمع وش تقول !!وأعيد
أحيان اسولف فيك وأحيان أهذري
كني أسوي للأحاسيس تجديد
ماراح تلقى صدق وإحساس كثري
وإن كنت منت مصدق أعطيك تأكيد
غنيت لك ..(يااللي على البال تطري )
وأنا من يدين الصبر للمواعيد
ورجعت أغني فيك (ماعاد بدري )
لو وقفت دونك سلوم وتقاليد
أشفق على صوتك مع الليل وأسري
حتى وأنا جالس بوسط الأجاويد
أقسم قسم.. غزيتني غزو فكري
وأصبحت تحكمني وانا مقدر أحيد
مو بس (أحبك ) الا سلمتك أمري
ناقص تجي وتحط بيديني القيد
صرت أتمنى بس يعجبك شعري
حتى لونه ماعجب (زيد وعبيد)
من وين أببدى فيك والوصف يغري
نور الليالي.. وإحتفالية العيد
تلعب دلع وانت الدلع فيك فطري
إي والله إلعب فيهم وكيدهم كيد
عندك خبر صوتك رومنسي وسحري
وإحساسك أصلي مامعك شي تقليد..!!
وزينك على بعضه مميز و(حصـري )
إعجاز بس إعجاز من غير تعقيد
شعرك والا عيونك .. أو عاد تدري
ماودي أفتح عيون المقاريد
تقبل إحساسي وحبي وشكري
حتى لو إني ماقطفت العناقيد
وسلم على قلبك ترا الحب عذري
ودوبك على قلبي فدتك التناهيد
إما تشوف لوضعنا حل جذري
وإلا بلاش نحب ونعيد ونزيد

طرح رائع
يعطيك العافية على هذا الابداع
سلمت يمناك ولاعدمنا جديدك المميز

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه

يعطيك ربي العافيه
انتقاء رائع ومميز
سلمت اناملك الذهبيه
ننتظرمنك الـــــــــــــــزود
ودي وشذى وردي لسموك

يعطيك ربي العافيه
انتقاء رائع ومميز
سلمت اناملك الذهبيه
ننتظرمنك الـــــــــــــــزود
ودي وشذى وردي لسموك

سلمت أناملك على روعة طرحك
وسلم ذوقكـ على حسن الانتـــــــقاااء
بـ إنتظآر جديدك وعذب أطرٌوحآتك
تحيتي وتقديري