اسأل المشتاق وش يعني الرحيل 💔

ليت حبك فالحشا عابر سبيل
كان قلبي طاعني بحكاي له

و ليت فقدك دمعة اعيون و تسيل
فقدك أكبر من دموعٍ سايله

اسأل المشتاق وش يعني الرحيل
يوم شمسك للموادع مايله

ياشذا وردٍ على غصونه يميل
يابطى غيمٍ يشوق امخايله

ما انت في عيني ولا قلبي قليل
ما حدٍ غيرك بعيني شايله

هذي الفرقا خذت كل الحصيل
والله اللي لاقضى شكواي له

ماحييت إلا على الوصل الجميل
ولا ذبحني إلا الظروف الحايله

ودي بكلمة رجا تشفي الغليل
تقصر اللي في خفوقي طايله

الحزن يقتضني واقتض ليل
كم سهرت وكم سريت احايله

يا حبيبي والله انه مستحيل
اني انسى حبك و عمايله

عزي لحالي وانا بالي طويل
هذا هو حبك و ذي فعايله

لاقوى متنٍ على الحمل الثقيل
مايطيح الحمل غير بشايله

ليت فقدك دمعة عيون و تسيل
فقدك أكبر من دموعٍ سايله
.
.

مُزْنٌ يَهْطُل وشَلآلٌ يَتَدَفَقْ
بَطِرُوحَآتِكْ الْرَآئِعَةْ الْجَمِيلَةَ
بِإخْتِيَآرْ يَفُوقْ الْوَصْفْ والْتَعْبِيِرْ
فَإلَى الأَمَآمْ بِإنْتِظآرِ جَدِيِدِكْ بِشَوقْ
وفَقِكْ الْلَه تَعَآلَى

منور الامير

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه

كعادتك
مواضيعك مميزة وجميله
فشكراً لك من القلب
وشكرالموضوعك الاكثر من رائع
دمت بكل خير

بشكرك ع الحضور