تجمعنا على وضح النقا
تجمعنا على وضح النقا من كل حـدب وصـوب
وكلٍ يسـرج خيولـه وكلٍ يشعـب اركابـه
جعلنا الله من عـدة قبائـل واختـلاف شعـوب
وجينـا للمكـان اللـي عقيـد القـوم غنـابـه
حضرنـا كلنـا اخـوان لاغالـب ولا مغـلـوب
حرار كـل واحـد لا انتهـض عشـاه مخلابـه
احد يكتب على البحر الطويل ويترك المسحـوب
واحد يكتـب علـى بحـر الهجينـي ويتورابـه
سطع نجم وافل نجم وبقى وجه القصيـد ينـوب
وسرنـا والسهـوم مقـدره والـدرب متشابـه
يجمعنا هدف واحد وكلـن لـه نمـط واسلـوب
على باب الكريـم اللـي مشـرع بالسمـا بابـه
هدفنا الشعر ماغيره وبيته هـا هنـا منصـوب
يمر الوقت ما هـزت هبـوب الغربـي اطنابـه
|
08-24-2020
عضويتي 
العرض الشجري
