عـز الخـوي

يا هاجسـي دامـك براس نايف ومدهال ذيب
مــا يسـكـن الـرجـم الخـلـي الا .. عـديـم ودمــوي

مطلوب من بعض العرب للموت في بطن الشعيب
والموت قسـمه من نصـيـب الـلي ذراعــه يلـتـوي

ما جيتـنـي عـابـر .. سبـيـل ولا تخيلـتـك غـريــب
الا مــن عـظـام الظـهـر وعصـابـة الراس الـقـوي

يــوم الله الـلـي مـيـزك عـن غـيـرك بطبع عجـيـب
وصـاك مـا تسـري مـع الهبـوب والدرب الـضـوي

مـن قـال لــك لا تــارد .. البـيـر الموالـي للحريـب
الـــــرزق مـــــا هـــــو مــنـــة ذات والا مـن ذوي

وش يمنـع الضامـي ليا منه وقـف فــوق الجلـيـب
ما ياخذ .. بحبـل ودلـو .. ويسـوي سـوات بـدوي

لا صـار .. كبـده مـوقـده واطرافـها تلـهـب لهـيـب
امــــا يــبــل عـروقـهــا .. والا يــمـوت ويـنطـوي

قال المـثـل اسـئـل مـجـرب قـبـل لاتـسـئـل طـبـيـب
صـيـد امـس خـله للـثـعـل لا يـطـبـخ ولا يـنـشـوي

ولا تلـتـفـت لـفـتة جـريح يـدور الــرزق الـقـريـب
مــن لا ســرى مـع الغـيـوم السـاريـه ما يـرتــوي

يالـلـي تهرول هـرولـه والـنـوم من عيـنك سلـيـب
خـلـيــت درب المـسـهـلـه لــلــي بـجـلده مــنـزوي

مـا كنـك الا .. يالخـوي مذهـب ورايح لـك ذهـيـب
كل مـا طـرت لـك كايـده تاقـف علـى الظلع تعـوي

وان لـدت عيونك عـلى راس الطويـله والصعـيـب
رحـت تعـدي كـن الصعـب يعطـيـك دافــع معـنـوي

مـا تسـمع الا همـهـمـه قـدامــك وخـلـفـك نـحـيـب
والــلاش ثــوب المرجـله بالـسـوق والم وشـروي

الــدرب يوميـلك ومــن شـرواك فـالـه مـا يـخـيـب
ما فـــات مـات ليا متـى يا صاحبـي وانـت جلـوي

وانــا خـويـك لا بغـيـت لـك مــن الـعـالم صـحـيـب
اجيك من حيث انتهـى الرجــا .. وليا عـز الخـوي

باسي شديد .. وليــا رقيت الظلـع وبراسـي قنيـب
اماسـي رجوم الخطـر واعيـش عـمري فـوضـوي

ما خفت من طعن الصدور الخوف من طعنة كليب
لا جــات مــن يمـنـى صـديــق وكـيدهـن الانـثـوي

وان كثرت جروحي وشفـت الشمس ألـت للمغيـب
اضرب على الكايد عسى تبـرى الجروح وتنكـوي

ما دمت اخيل الغيم داني والمـح الغصـن الرطيـب
كـلـمـا تـهــزه ريـــح اشـرلــي عـلـى ما يـحـتـوي

كنه يقــول ابشر .. على ما تشتهي جاك النصيـب
خـذ مــا تيـسـر واسـتـرح والـزاد دونك مسـتـوي

دام الجـروح الـمـؤمـنـه صـيــورها لازم تـطــيــب
الصبـر .. مفتاح الـفـرج والمجـد للعـقـل الـسـوي

بقلمي / عيسى العنزي

شلال ابداعك مازال منهمر...
دمت ودام نبض قلمك الرائع...
وننتظر جديدك بشووق...
مجهود رائع تشكر عليه...


تقيمي لسموك
عز الخوي
ويستاهل كل هالكلام الجميل

كلمات راقية
شكرا على هذا الابداع المميز
بارك الله فيك يا طيب
تقبل تحياتي مع التقدير

,,~

سلمت آناملك لروعة طرحهآ..
يعطِـــيكْ العَآفيَـــةْ..
لآ عـدمنآ تميز انآملك الذهبية
‏دمت ودآم بحـر عطآئك بمآ يطرح متميزآ
‏بإنتظآر القآدم بشووق
‏لروحــك بآقآت من الجوري

,,~

أسم بزغ في سماء الابداع
اسم تقف امامه الاقلام والاحرف
اسم لو اوصف مايحمله من جمالا لااوفيه حقه
سيدي وسيد القلم والحرف والكلمه
وقفت امام حروفك
ولم اكتب حرفا انتظرت طويلا
تاملت جمال حروفك
تلاعب الكلمات لتداعب النفس
و تنقش أثرا لا يبرح ..
لروحكَ الماء والمطر
إنحناءة زهر وعظيم تقدير

بآرك الله جهودكم
طرح رآئع سلمت الأنآمل
ننتظر جديدكم بكل شوق
الله يعطيكم الصحة والعآفية