أمر من عند بيتك والمح الغرفه

أمر من عند بيتك والمح الغرفه
شبّاكها يشتكي غفوة ستايرها
واخذ نفس من قصيدي واشهق بحرفه
واجدّل ابيات شعري من ظفايرها
واحس قلبي يغضّ شوي من طرفه
ويذوب في ملحها قدام سكّرها
الترفه اللي كثر ما احبها ترفه
أضيع فيها من اولها إلى اخرها
في صوتها الهيل والنعناع والقرفه
وفصمتها مسكها ما مل عنبرها
:
:
:
:
انكسر حلمي الليله على اخر مداه
والمواجع لها ابواب حبر وورق
للهوى كنت اضحي والمشاعر فداه
لين ركن المحبه فالخفوق احترق
من هو اللي سرق نومي وجرحي بداه
من هو اللي تركني للتعب والأرق
الحبيب انتظرته قلت ابسمع نداه
بس صوته نساني للأذن ما طرق
ما وصل صوت خلي كيف ابسمع صداه
يمكن يكون فالنسيان طاح وغرق

كلمات رائعة وسطور مميزة
شكرا لك على هذا الطرح القيم
تسلم ايدك
تقديري وتحيتي لسموك

عاش حسك

لاهنتي

منورين ياالغوالي
عطرتم صفحتي بتواجدكم الجميل
لا خلا ولاعدم

روعه موضوع رائع ومميز
عاشت الايادي دوم التالق
تحياتي

اشكركم على مروركم العذب
لا خلا ولاعدم