لا تـخـلـيني تــرانـي مــن الـبـعد مـغـبون

لا تـخـلـيني تــرانـي مــن الـبـعد مـغـبون
وش يــرد الـعـاشق أن حــب مــن قـناعته

كــم لـجـلك ارضــي عـيـون وابـكي عـيون
وانـكسر لـك كـسرت الـشيخ دون طماعته

داخلٍ في وجهك الزين من بعض الطعون
ومـــن فـــارقٍ يــفـرح الـشـامتين ايـذاعـته

مـكـتـفي بــك كــان يـرضـون ولا يـزعـلون
خـــافــقي يــعــلـن لــحــبـك ولاه وطــاعـتـه


وكــل شـي غـير فـقدك عـلى قـلبي يـهون
وصــلـك يـــداوي جــروحـه ويــمّـن راعـتـه

لا تـعـيّـش مـــن يـداريـك غـبّـات الـظـنون
قــبــل تـلـحـقـه الـمـشـاريه مـــن جـمـاعـته

شـوفك يـورد أمـحبك عـلى حوض الجنون
لـــو تـحـادى مـقـلّع الـنـاس مــن قـلاعـته

مـن غـلاك ادور اسـمك مـع اللي يرسلون
وأمـسـك الـجـوال واذنــي عـلـى سـمـاعته

ضـمني لـك ودي أدلـه مـع الـلي يـدلهون
خـلني مـع قـربك انـسى الـفراق وسـاعته

وقـبل تـرحل عطني آيديك ياغلا من تكون
فـالـصـدر شـحـنـه وفـالـقـلب نـــارٍ لاعـتـه

ايــه احـبـك قـلتها لـك لـو انـهم يـسمعون
وانــتـبـه ودعــتـك الــلـي يـحـفـظ وداعــتـه

//


طرحِ راقيِ ويستحق
المُتابعـةَ /سلمت
وشكراً ع المجهودِ

ع ــناقيد من الجمال,,
تحيط بروعة الحروف..
سلم حسك وبيانكـ,,
دمت بتميز,,

يعطيك العافيه يارب , ع الموضوع
دمت ودام ابداعك ف سما عشق ...


..

,,~

سلمت آناملك لروعة طرحهآ..
يعطِـــيكْ العَآفيَـــةْ..

,,~

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي