حتكبـــر وتعــرف ....

هتكبر
هتكبر و تعرف ان القعده

في العربيه في الكنبه ورا

احسن و اريح من انك

تكون انت اللي سايق
هتكبر
هتكبر و تعرف ليه والدك
مش فارق معاه يجيب هدوم جديده
في العيد مع انه حريص

على انه يجيبلك
هتكبر
هتكبر و تعرف ان الدنيا

فيها مشاكل كتييييير جدا

و كون ان وراك امتحان
في ماده صعبه دي
ماتتحسبش مشكله اصلا
هتكبر
هتكبر و تعرف ان التعليم

و الثانوية العامه و الكليه
بمزاكرتهم بسلطاتهم بقرفهم
كانو اسهل حاجه ممكن تمر بيها
هتكبر
هتكبر و تعرف معنى

وجع الظهر و الرقبه و الرجلين
اللي كانو بتشتكي منهم
والدتك على طول
هتكبر
هتكبر و تعرف ايه سبب
نرفزة والدك و عصبية

والدتك المستمره
هتكبر
هتكبر و تعرف ان ايام طفولتك

دي هي عمرك الحقيقي
و الباقي مش محسوب
هتكبر
هتكبر و تعرف انك كنت عيل غبي
لما كنت بتتمنى كل يوم تكبر


مساءكم رضا من الرحمن
وسعادة لا تنتهى
الدكتــور علــى