هاذي عادات القهوه من زمان

عند شرب القهوه . ويوم بنقدم القهوة لحد من اليلوس..

أول شي المفروض اللي يقوم (ويغنم) يقدم القهوة هو اصغر اليالسين

وان كان ابوك او كبير العايله موجود في اليلسة المفروض تبدأ به حتى

لو انه يالس في شمال الميلس وفي هذي الحاله أبوك اللي بيوجهك من

وين تبدأ باليمين او بمن تبدأ بتقديم القهوة من اليلوس

يوم بتصب القهوه في الفجنان لازم تراعي إن يكون مقدار القهوه بنص الفنجان

وبمقدار محسوب لأنك لو نقصت عن النص معناتك تنقص بحق

الريال وبعد لو زدت معناتك تعطنه في شرفه او عزته مثل ما يقولون

وعلى اللي يشرب القهوه ما يشرب فنجان واحد فقط لأن بهذي الطريقه

يعيب اهل البيت ..وعلى اللي يقدم القهوه ما يتحرك من مكانه لين ما يكتفي

الجالس من شرب القهوه . وفي حالة انه اكتفى من شرب القهوه هو بيهز لك

الفنجان عده هزات متتاليه ومعناته يأذنك بالتحرك من جدامه أو انه انتهى من

شرب القهوه..واللي يغنم( يقدم) المفروض يقبض الدله بيده اليسار والفنجان بيده

اليمين لأنه بيقدم بها.. وعلى اللي جالس لا يزيد عن 5-6 فناجين وان زاد بيجيك

راعي المجلس ويبقول شو في خاطرك ولا آمر ؟؟

معناته اللي يزيد في شرب القهوه عن 3 فناجين جاي يطلب شي أو يريد معونه

لكم من الابداع رونقه
ومن الاختيار جماله
دام لنا عطائكم المميز والجميل

شكرا لكم

اختكم سراج

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

جميل ما طُرح هنا
سطور واقعيه استمتعت بقراءتها
والاجمل منه هو قلمك المميز
سلمت الايادي المبدعةة
تحيتي لك

/*

يسلموا الايادي

ودي