يَ حَزينَه ...

يَ حَزينَه ...

ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فـ الزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك.!
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟

وسط دفتر مل من نزفه ومن دمعات عينه !

كلمات احساسها عذب
سلم الحس والذوق
لك اطيب التحايا..

طرح رآئع بإبدآع لآ يُضآهى
فكراً ومنطوقاً وعطآء يفوق الخيآل
سلمتم ودمتم كما تحبون وترضون
وفقكم الله وأمد أعمآركم
أرق التحآيا لمقآمكم

طرح رآئع بإبدآع لآ يُضآهى
فكراً ومنطوقاً وعطآء يفوق الخيآل
سلمتم ودمتم كما تحبون وترضون
وفقكم الله وأمد أعمآركم
أرق التحآيا لمقآمكم

اسعدني جدا مرورك .. ربي يعافيك ويسعدك

تسلم يمينك ع الموضوع الرائع والمميز
دام لنا تميزك وحضورك الرائع
لك مني ارق المنى
وخالص التقدير والاحترام
لِ روحك