لعيون حبي

لعيــون حبـي يبيـع اللـي يحبـونــه
لـو يقسـي الوقت هالمخلـوق ما يقسـي
قالـو لي العشـق قلت العشق لعيونـه
اللي على حساب نفسه مسعدن نفسي
إيـه واللـه أغليـه نفسي فيـه مفتونـه
مستقبلي دنيتي هو حاضري وأمسي
ما اتخيـل العمر كيف العمر من دونـه
من قبل لا مركبي في دنيته يرسـي
قلـت إيـه والعمـر يا صعبـه ويا هونـه
من قبل عرفه و عقبه مشرقه شمسي
مـشاعــري فيـه فـياضــه ومـجنونــه
اصرخ غـلا وأزعجه بالحب في همسي
يحبنـي وأدري إنـي ساكـن جفونـــــه
وهو يدري إنـه بقلبي يصبح ويمسي
يا كثـر هاللـي على حبـي يحسدونــه
نفسـي ولـو يـوم ينسون الحسد نفسي
لـو مـا تكلمـت بعيـونـي يشوفونـــه
أتعبت نفسي بحبـه و التعب منسـي
أمـوت وأحيـا وأعيـش العمـر لعيونــه
هاللي على شأن نفسه مسعدن نفسي