طريقة شوي الفراخ بزجاجة البيبسي في الفرن بالخطوات المصوره

طريقة شوي الفراخ بزجاجة البيبسي في الفرن بالخطوات المصوره أولا نجهز أهم حاجة تتبيلة الفراخ المشوية الخطييييره الطريقة دى دى مقادير تتبيله فرخه واحده متوسطه الحجم بصله كبيره مقطعه واحده طماطم كبيره مقطعه قرن فلفل اخضر مقطع 3 فصوص ثوم ربع كبايه خل 2 ليمونه متوسطه وتقطعيهم وبقشرررهم معلقتين كبار زيت معلقه كبيرة كاتشب ملح - فلفل - كمون - كسبره ناشفه - قرفه - شطة - بهارات مشكله نحط بقى كل مقادير التتبيله دى فى الكبه بتاعة البصل ونفرمهم مع بعض كويس لحد ماتبقى سايله نصفى التتبيله دى كويس بالمصفاه ونعصرها بايدينا لحد ماينزل كل السائل اللى فيها . نجيب الفرخه بعد ماتتغسل كوبس بالدقيق والخل والملح و نغرز السكينه فيها كده عشان نعمل شقوق صغيره تخليها تشرب التتبيله وبعدين نصب الخلطه على الفراخ ونقلبها فيها كويس عشان الفراخ تتشربها ونسيبها فى التلاجة طول الليل تتبل وتشرب التتبيلة براحتها تاني يوم بعد مالفراخ تتبل هنجيب إزازة حاجة ساقعه فاضية ونغسلها كويس جدا جدا ونحط فيها التتبيلة اللى تبلنا فيها الفراخ ونقوم ملبسينها الفرخة المهم يعني حاولى تخلى عنق الإيزازة داخل الفرخه جوه بطنها يعني متطلعش من رقبتها علشان لما التتبيلة تتبخر تتبخر جوه الفرخه وتستوي بالتتبيله وتحطي الإزازة فى صنية زي دى وتحطي كوباية ميه جوه الصنية وشوية فلفل اسود وممكن نحط ورق لورا وحبهان وندخلها الفرن كده ومتخافييش الإزازة موش هتنفجر ولا هتتكسر ولا هيجرلها ايي حاجه انتى بس لما تحسي ان المية اللى فى الصنية ابتدت تنشف زوديها طبعا انتم مستغربين ليه انا استخدمت الإزازة الفاضية (هو وجع دماغ و خلاص) لا يا فندم مش وجع دماغ ولا حاجة إحنا حطينا التتبيلة جوة الإزازة الفاضية و وقفنا الفرخة علي الإيزازة علشان ايييه؟؟ علشان التتبيلة هتسخن و هتغلي و تتطلع البخار بتاعها داخل الفرخة بس عايزة انبهكم لازم العنق يكون جوة علشان نسنفيد بالبخار احنا مش عايزين نبخر الفرن هنبخر الفرخة بس في حاجة مهمة كمان المفروض ما نشيلش الجلد من علي الفرخة علشان هو ده اللي هيساعد انها ماتنشفش و يديها لون تحفة و لا تقلقوا هو هيسيح خالص و حيكون عبارة عن جلدة مقرمشة لو الفرخة في حدود كيلو نص بتاخد ساعة لو اكتر يبقي الوقت هيكتر شوي فنتابع تسوية الفرخة بأننا نغرز سكين في الدبوس بتاع الورك علشان هو ده اخر حاجة بتستوي حاجه تانيه ممكن نقطع معاها في الصينيه خضار (( بطاطس - كوسه - جزر - طرنشاط بصل )) بهريز الفراخ حيبقي في طعم الفراخ ولا أحلي مع ارز وسلاطه بسرعه جربوها مش حتندموا دا شكلها بعد ساعة شايفيين الفرخة شادة حيلها ازاى وصالبه طولها