عقب الجفآف وعقب هجر الموآليف

عقب الجفاف وعقب هجر .المواليف
... هب الهبوب ويابس العود ورق

وعقب الجفا وايام قشر ومعاجيف
... حنيت يا من له عيوني تسرق

تسعين ليله والعنا زارني ضيف
... لين المعزب في ضيوفه تشرق

وغيم المواصل بالضلوع المراجيف
... من بعد ما شمل المواليف فرق

ومزنة غرامي امطرت بالمشاغيف
... هتانها ارعد خياله وبرق

وأسقت غصوني لين عادت مواريف
... في شوفة اللي له خفوقي تحرق

ومن عقب دمعي فوق خدي مذاريف
... واضحيت انا شبه الحديد المطرق

ورف زهرهن فوق اﻻوجان توريف
... والورد فوق الخد فتح وورق

ومن عقب ما ازريت لبس النفانيف
... وازريت لبسك يالثويب المخرق

لبست لك من غاليات المكاليف
. وارخيت فوق الراس شالن مورق

والشوق سوى في غيابك سوالي
. والهم بالخفاق غرب وشرق

لو جيت اوصف ﻻعج الشوق توصيف
.... الشوق في مجرى عروقي تعرق

والشوق مثل اليم في موجه امخيف
... وسفن الصبر بالموج ﻻ هاج غرق

وانا بغيابك بين حزن وتحاسيف
واتواردن بالقلب جمله ومفرق

اكسر عصا الترحال وارمي المجاديف
... ما يسرق الراحات غير التفرق