لا ماشاء الله يخبل عليك الشوك

لا ماشاء الله يخبل عليك الشوك




لا ماشاء الله يخبل عليك الشوك
مدري شضام بعيونك حجي النضره
مو شرط الحلو تلكا حلو ومحبوب
ومن تقربتلك وضحت الفكره
من اسمعك كلمه تخجل والبياض يروح
ومن الله تطك بخدودك الحمره
اجيك وتبتسم وامشي وتضل حزنان
وجمالك بلثنين يزيد بلفطره
مثلك ماشفت ضحكتك تسبي العين
وتصير احله من تخنكك العبره
احبك جي ادنك لو حجيت وياي
يم خيالهه اطخ راسهه المهره
المهم حضي كعد خل توكف الدمعات
غزل تنكط عيونك وشتهيت اقره
البطن النكلتك شيصير منهه لهيل
وعلى يانار جانت حسنك تخدره
مصبحه بيا وجهه امك وطلكت بيك
بخد يوسف بدت بوجوهنا الصفره
اله بواسطه هذا الجمال يصير
بس ما اريد اشك بلخالق وقدره
بلون وجوهنه ناسيله ساعه اليل
دكلي بوجهك انته شناسيه الكمره
دفو جفوفك خبز طالع من التنور
ابيض ضاهرك وروحتك سمره
استلذ بيك وانسم واحجي خمس اشكال
وادمن بيك مو مدمن على الخمره
واهنيك وصدك تفتهم من حبيت
الحسن ماي وتبده والعشك مجره
عندي احساس كلمن حب يحبه الكون
الشمس تشتاقله وتغازله الشجره
واحس حته الهوه يتأكد من الروس
الماشايل عشك ما يلعب بشعره
هلا بلطاير تمنيتك وحطيت
ليوم بكل درب وياك احط ذكره
اليوم اندل صبايا وطيش عمري الفات
وسنين العكل من عدهن اتبره
شبيها من ارجع العشرين المغربات
واصبغ شيب براسي بروحك الخضره
واتراهق وابوسك وين ما ممنوع
بستثناء عيون الوادم الفقره
ذوله نحرمو من الوطن ومن الخير
مو مال اتركلهم بلكلب كسره
مادامك جنح محتاج امر بلغيم
من ايام الصغر ما رايح بسفره
عوضني اليحب يصغر بعينه الراح
وسويني بشر ماينكر العشره

خاطره رائعه ومميزه
طرحتي فابدعتي دمتي ودام عطائكِ
سلمت اناملكِ على الجلب المميز
لكي خالص احترامي
خ ـالد الشاعر

يعطيك العافيه على الخاطره
سلمت انا ملك على الانتقاء الجميل

شكرا لمروركم الجميل وددي

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

شكرا لمروركم الجميل وددي