لا انا اتبع المقفي ولا احب فرقاك

لا انا اتبع المقفي ولا احب فرقاك


هذا انا يوم اخلف الوقت ظني
الحزن حزني والسوايا سواياك

بكيت وابكيت العيون وبكني
تعال شفني كل ماحان ذكراك

كم واحد جاني بعدك وسالني
شخبار من حبيت واقفى وخلاك

واصد والحزن الخفي ممتحني
وان قلت منهو ؟ قيل ماهوب يخفاك

قيل العوض قلت العوض ما شحني
والله لاهذا ولا ذا ولا ذاك

ياما بعضهم مرني ما فتني
ياجعل ماهم بالعوض في محياك

الله لا يجبر عزا من عذلني
ماجاه ما جاني ولا جاه ما جاك

واللي عذل ويقول لو ولو اني
جعل يعشق له واحد كنه اياك

ما فيه شي في حياتي غبني
الا نهار اقفيت وانا اسمع ابكاك

الله من جرح قديم مكني
امداك نزفه لكن ادواه ما امداك

علي كم جار الزمان وطعني
اسمع صدى صوت المعاليق تنخاك

وين انت ياللي كل ماغبت كني
واقف على باب الامل واتحراك

ليتك تعرف تخون واقول خني
على الاقل القى سبب واتناساك

وليت الزمن فـي محبتك ماخذلني
وليت الهجر من طيب خاطرك ورضاك

لو ان قربك والوصل بالتمني
ماغبت عن عيني كثر ما اتمناك

خايف يطول البعد وتسج مني
وياخذ مكاني شخص ماهوب يسواك

وش عاد اسوي يومك اقفيت عني؟
لا انا اتبع المقفي ولا احب فرقاك


راقت لي

موضوع رائع ومميز
طرحتي فابدعتي دمتي ودام عطائكِ
سلمت أناملكِ على الجلب المميز
ودائما بأنتظار جديدكِ الشيق
لكي خالص تحياتي
خ ـالد الشاعر

طرح رائع وجميل
دام التألق ودام عطاء نبضك
كل الشكر لهذا الإبداع والتميز
وبآنتظار روائع جديدك بكل شوق
تخياتي لك

:




طرح رائع
بيادر اللوتس لمتصفحك هذا
و لا حرمنا اطلالتك الجميلة

سلمت الآكف ومَاجلبت
إبداع دآئم وتميز مُستمر
لا عدمنَاك
تقديري وتحيتي لسموك

كل الامتنان لروعة طرحك
وجمال انتقائك المتميز
في انتظار جديدك المشرق
كل الود