ظبي تمـشى ما بيـن الـروض والتلـه

ظبي تمـشى ما بيـن الـروض والتلـه
سبحان مـن كملـه بالزيـن سبحانـه



يوم أطلق البشت فوق الكتف مـاشالله
من علمه ضمـة العصفـور جنحانـه



بيـن احمرالـورد راح يـدور الفـلـه
وغيره يـدور مـن البـارود دخانـه



غـرو غريـرٍ عليـه النفـس منهلـه
ولا هل دمع العيـون الا علـى شانـه



من لابـس التـاج والديبـاج والحلـه
يا فضح فضح المولـع بيـن جيرانـه



اليا مشـى يـا عنـا قلبـي وياغلـه
واليـا وقـف ياللدانـي يالـدن دانـه



العلـه العلـه العلـه هــي العـلـه
لو موب خصرٍ تهايـل عنـه شطيانه



ظبيٍ صغيرن يجيه الخوف مـن ظلـه
يلف من لـف لـف الكـف شرطانـه



حسنه يزيد الخشـوع ويحفـظ الملـه
قبلـي ملاكـي يفاخـر فيـه شيطانـه



متسيد الوصف فـي دقـه وفـي جلـه
الصدر كرسي ذهب والعود مـن بانـه



يازيـد هـذا خليـل لـي وانـا خلـه
ماجابت البيض دانـن غالـبن دانـه



من قال وين القمر مابـان فـي حلـه
دله على ناعـم المبسـم وقـل عانـه



ومن قال تعجبك عينـه يعجبـك كلـه
مـن تفرجلـه الـى مقـرون حجانـه



خدهـا ليـا طـل يامحلا هـطلـه
مسقيه من دمه ومـن خمرهـلسانـه



معقول سـاري سـرا شافـه ولا دلـه
كذاب لـو يبسـط ايده فـوق قرانـه



وخشمن من التبر مصقولن كما السله
نجدٍ عشانه رقـص بالسيـف والزانـه



هذا الذي منه حلـو الوصـل يـا قلـه
لو بقطع الدهر راسـي بيـن ذرعانـه



فإن كان دمي معه مثـل اشقـر الدلـه
البـن ماقللـوا اهـل السخـاء شانـه



ظبـيٍ يتـل الحشـا والتلـه التـلـه
مابين عضة شفاه وغضـت اعيانـه



والله ماخفت فيـه المـوت مـن ذلـه
الخوف لا اموت ماشميت ريحانـه



الله لو بس مـن حسنـه عطـاه الله
يعطيني اللي عطا منه اصغـر اخوانـه



الصاحب اللي اليا جاني حجاجي افلـه
كامـل ولا كامـل الا الـرب سبحانـه