ماغيرك احد شغل فكري وحيرني

تدري وش اللي جبرني فيك وأعجبني
اسلوبـك اللي جذبني فـي تعابيـــره

عطـر المشاعــر احسـه فيـك يندبنــي
واحساسك المرهف اللي صعب تفسيره

والمسـك جـذاب عطـره فـاح وانعشنـي
امـوت لاجلــه ولا ودي بعطــر غيــره

حلـو السوالــف وجـو الليـل يجـذبنـي
واعيـش فـي عـالمك وألمــح تصاويـــره

ماغيـرك احـد ٍ شغـل فكـري وحيرنـي
ياغايـة القلـب ويا خيــرة مساييـــره

مـاعـاد للخــوف داعــي لاتجربنـــــي
اطلــق عنــان السوالـف علهـا خيــره

ابيـك تكسـر جـدار الصمـت وكلمنـي
يـاذوق محتــاج لـك مـن دون تشفيـره

اعلنتهـا لـك صراحــه ليت تفهمنــي
وإن طالـت السالفــه فضيتهــا سيـره

ادري تمـاديت أنـا اكثـر لكـن اعذرنـي
مـن عـاش عالـم خيـال يعيش في حيره

‏‏

-* سلمت الأكُف
وسلم لنا هذا الانتقاء المميز ..

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

طررح يفوق آلجمآل ,
‎كعآدتك إبدآع في صفحآتك ,
‎يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..
‎ودي

الف شكر لكِم على الروعة وجمال الانتقاء
سلمت يداكم على طرحكم الاكثر من رائع
و الله يعطيكم الف عافيه...
وفي انتظاااار جديدكم...
.*. دمتِم بسعاده لاتغادر روحكم.*

:




طرح رائع
بيادر اللوتس لمتصفحك هذا
و لا حرمنا اطلالتك الجميلة

.