يازين يوم اني انا وانتـي صغار

يازين يوم اني انا وانتـي صغار توما لبست شماغ وانتي عبــايه.. بالطول مانـــاصل ولا خمسة اشبار دايم نقـــيس اطوالنا بالمرايــه.. مابيننـــا شيـــن نخبيــه واســـرار ماغير لعب اطفال كل الحكايــه.. ماهمنا موجز ولا نشرة اخبــــار التسليه صارت وسيله وغايــه.. وان جا فلم كرتون للقطو والفار نجلس نتابع قصتــه للنهايـــه.. بالمدرسه نزعل على شان الاصفار انتي سبب لعبك وانا من غبايـه.. ياما تهاوشنا على كيس فيشــار انحاش به وافرح بطردك ورايه.. وان قلتي ياراشد ياويلك من النار اخاف واستسلم وابين خطايـــه.. والى ضربتيني تقــل بيننــا ثــار وان قلت كافي قلتي ماهو كفايه.. والى خلصتي ضرب بيمين ويسار اخذتي الفيشار واللـي معايــه.. والى زعلت وقلت ابا اروح للدار صحتي وقلتي اسفه يا غلايه.. واصدقك وافرح بعد ذيك الاعذار واجيك لا حاقد والا احمل وشايه.. بس لو اشوفك مع بشر غيري اغار لو كان اخوي أو من أعز اصدقايه.. واركض لخوك اقول شفها مع الكبار عشان يفرض لي عليك الوصايه.. هــــذي طفولتـنا براءه وتذكـــار دايم نحن اليا ذكرنا البدايــــه.. واليوم ابا اكتبها سواليف واشعار وافكر انتجها بفـــلم وروايـــه

عطاء مميز وحضور انيق ووفاء لكيان روايه

التمسه في متصفح الوفاء

راقني ماكان هنا وانتظر مزيدك

فكل الشكر والامتنان لهكذا هطل


دمت بكل الخير

ابيات رااائعه
صح لسان قايلها ويد ناقلها
احسنتي الاختيار والذائقه الشعريه
لاخلا ولاعدم

بارك الله فيك ع موضوعك القيم والمميز
وبانتظار جديدك القادم
ارق التحايا لك

سلمتِ و سلمت يمناك لروعَة الطّرح
بِ إنتظَار المزيد من عبقْ عطآءك
لرُوحك مسك الوَرد ,

أبيات جميلة صح لسانك ولسان شاعرهآ
تسلمين ياغلاتي على أختيارك المتميز والأروع
دمتي ودام بحر عطائك المتآلق
لاعدمنآ