اهيم فيك من الغلا واتمناك

اهيم فيك من الغلا.........واتمناك
وارجع واخيب في وصالك ظنوني

هذا اللذي جاني وهذا اللذي جاك
وماكـل( هـانـت ) هيـنـة صدقـونـي

نظـره وخلتنـي كـذا مـن ضحـايـاك
يعنـي لعانـة نظرتـك فــي عيـونـي

كـان آنـت مـا تـدري بحالـي بلـيـاك
رب الـسـمـا يـبــلاك فـيـهـا بـدونــي

وان كنت عارف وش نتيجة هداياك
عز الله اسهام المواجع .. هدوني


نـاداك قلـبـي وافـهـم العـلـم نــاداك
اسكن مع اللـي بالخبـر يحترونـي

حبيبك فــي قـلـبه يـعـزك ويـرعـاك
دامـك معـه ماهمـنـي لــو نسـونـي

ماأسمـع لهـذا فــي غـرامـك ولا ذاك
وكرهـت نـاسٍ عـن غـرامـك نهـونـي

وحتى ولو فكرت في لحظه أنساك
روحي و قلبي والمشاعـر عصونـي

يــــوم أتـبـلانــي ويـــــوم أتــبـــلاك
وأكتـبـك وادري لا كتـبـتـك قـرونــي

وأضيـع وألقانـي مضيعـك وألـقـاك
وانـا بقلبـك وانــت داخــل جفـونـي

كان هنا مـدري هنـا مـدري هنـاك
اشـوفـهـ بـكــل اتـجــاه اعـذرونــي