وش طيح الغالي
وش طيّح الغـــالي من عيون مغليه
ســؤال والحكمة تجي فــــي القصيدة
اللي رفـــع خشمه ترى الوقت يثنيه
ويعيش بين النـــاس محد(ن) يريده
واللي يحب الـــذّات والناس تعطيه
تـــكثر جــــروحه والمذلــــة رصيده
وراعِ التشرّه يتعب اللي يــماشيه
ولو غاب عنك شهور ما هو فقيده
والغيرة أن زادت على الحب تنهيه
والشّك كــم دمّـر حيـــــاة سعيدة
واللي يعيش العــزّ والــــرب مغنيه
يــغثك بــوصف الحيـــاة الــــرغيدة
واللي عرف قدره ترى الناس تشريه
لــو هو يعيش الفقر تحت الحديده
سبحان الله والحمد لله والله اكبر
|
03-10-2025
عضويتي 
العرض الشجري
