قال الشيخ عويضة عثمان بقلمي الشاعر محمد البهلوان

قال الشيخ عويضة عثمان ممكن اووي وبالامكان

نعمل ثورة كبيرة علي ذاتنا

في رمضان وغير رمضان

ممكن يعني نقرا القُران بعد كل صلاة وختام
ربع في مرة جزء في مرة

نختم بعد تلاتة ايام

في المسجد صلاة تروايح في البيت زينة وتفاريح
ويا العايلة صلاة وتسابيح

شهر البركة ده من العام

قال الشيخ عويضة عثمان ممكن اووي وبالامكان
نعمل ثورة كبيرة علي ذاتنا في رمضان وغير رمضان

الدنيا ياخلق قصيرة ليه نسيبها تسييلنا حيرة
ويا الجنة الدنيا قليلة

ولا تسال عليها دي بكام

قال الشيخ عويضة عثمان ممكن اووي وبالامكان
نعمل ثورة كبيرة علي ذاتنا في رمضان وغير رمضان

احنا اصحاب بس في الخير ولا عمرنا ميلنا علي الميل
اخويا وصاحبي ايوه في قلبي

بيفكرني قيام الليل

هي ايام وتعدي اهي بينا لازم يبقي فينا عزيمة
كتف بكتف مع بعضينا

ميكونش ولا بينا شيطان

صلي وسلم علي العدنان وارجع تاني وصلي كمان
حبيبي يا خير الأكوان

من قلبي ومن روحي سلام

قال الشيخ عويضة عثمان ممكن اووي وبالامكان

نعمل ثورة كبيرة علي ذاتنا

في رمضان وغير رمضان

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات