ناظرتني بعيونها

ناظرتني بعيونها

ناظرتني بعيونها وقالت .. لو تفارقني امووت
والحياه ماتسوه بدونك .. وكل عمري يفوت
دنيتي من غيرك احسها غربه وخوف
وفي وجودك . احس بكياني رغم الظروف
اخاف الايام تفرقنا .. ومن بعدها تنساني
ارجع لدنيا الخوف . واضيع فيها من ثاني
يابعد روحي وعمري .. مستحيل اتخلي عنك ابد
انت الوحيد بدنيتي .. وقلبي ما يسكنه غيرك احد
ولا تظن ياعمري ارضى بغيرك بديل
عهد. ما يفز قلبي لغيرك مستحيل
وجودك في حياتي يعني لي الكثير
مدري بدونك حياتي اشلون تصير
صعبه دنيتي ومن غيرك اتوه
في زحمة الدنيا اضيع بين الوجوه
الوفا عند غيرك.. ابد مالقيت
وان مدحتك بالقصايد .. ماوفيت
توأم حياتي .. ما ينتهي عشقك ابد
وحالف قلبي .. مايسكنه غيرك احد
ان قلت احبك .. في حقك قليل
حبك .. تعدى الخيال ماله مثيل
ماينتهي عشقك.. من قلبي عمر
لو خيروني .. ما بين البيض والسمر
يلي حرقت قلبي .. طل بداخله وشوف
لو غبت عني .. اعبر لك بحور الخوف
اشلون تبقيني عن حبك اتوب .. وانت قلبي تملكه
بتوب عن كل الذنوب .. الا حبك ما اتركه

بقلم شاعر رومانسي
سبق نشره

*,





صح بوحك " شاعر رومانسي "
سطور رائعة مفعمة باالجمال
اهنيك على عذوبة حرفك.، ونزف قلمك .،
ابدعت بحروفك وإحساسك .،
سلمت يمينك .،
تقييم وختم ونجوم ونشر وتستاهل 500 مشاركة
يسعدك ربي ويحفظك

ماشاء الله تبارك الرحمن
حروف جميلة و مميزة مبدع أخي
تسلم ايدك و يعطيك ألف عافية
ماننحرم

تمت الاضافه

يعطيك العافيه علي الطرح .)
ب إنتظآر جديدك وعذب أطروحآتك.)
إحترآمي وتقديري.)

عذوبه وجمال ..
بكلماتك .. راقت لي
جمال .. ما كتبت لنا
يعطيك العافيه
دمت بود