"وشلون تبكي فوق نعشي وانت مرديني قتيل ؟"

؛




لو تعتذر ودموع عينك من محاجرها تسيل
‏بستان حبك ياقديمي صارت ورودة سُمر

‏وشلون تبكي فوق نعشي وأنت مرديني قتيل
‏وتقرى علي سبع المثاني وأنت دامرني دمر

‏والله لو أبدع لك من أشعار الغزل شعرٍ جزيل
‏وأقطف لك النجمة و اغلف من كواكبها قمر

‏مانيب مستغرب لو إنك رحت ما اوفيت الجميل
‏من يزرع الصبار غير الشوك مايجني ثـمر

‏هذا أنت ماوالله تغيّـر تحسب الواجد قليل
‏قنوع إلا في عطى كفوفي لو اعطيك العمر

‏عاهدتني في حب غيري ماتحيد ولا تميل
‏وأثرك مخاشر قلبي وقلبه لياليك الحمر

‏خذ اسفك ما عاد لي بالٍ على كذبك طويل
‏إن كان بعدك مر قربك ياشقى قلبي آمر

‏والله لو من فوق عنقي تشهر السيف الصقيل
‏إن رجعتك تحرم عليّه مثل تحريم الخمر .