صرت من كثر حبك من محبّتك اغار

يوم ضاق الغلا بي من يمين و يسار
قلت ابحيا وانا اللي في غرامك دريك


جيت ابهدي يدينك من قصيدي سوار
قادني لك غلاك وجيت لك يامليك


جيت ادوّرك جنّه واثر جنتك نار
آآآه من نار حبك حسبي الله عليك


بين بعدك وقربك ماوصلت لقرار
مرّه انسى هواك...ومره آموت فيك


في محيط المشاعر ذكرياتك مدار
مبتليني وصاك والجفا مبتليك


آتناساك مرّه واتذكّر مرار
حرقتني بنارك بين هذي وذيك


اذكرك وانت غايب شوق في كل دار
واحسب إنك معايه لين اعود واجيك


عذري اني احبك لو تموت العذار
وعذرك انك تحسّ وتدري اني ابيك


المهم ان غيرك مالة أي اعتبار
كل قلبي خذيته إنت مالك شريك


إنتظرتك وجيت بلهفة الإنتظار
دوك دقّات قلبي كلها تحتريك


لا ذكرت الوعد قلبي من الشوق طار
بين لهفة لقاي وبين رعشة يديك


صرت من كثر حبك من محبّتك اغار
شفت وش كثر أحبك حسبي الله عليك ..