أغلب الصوصات اللي الناس بتحتاجها

أغلب الصوصات اللي الناس بتحتاجها
هذه طريقة بعض انواع الصوص التي يحتاجها الناس في تزيين الحلويات...


افضل طريقتين لعمل صوص الشوكولاتة




الطريقة الأولى 1️⃣


المكونات:

كوب حليب
3 معلقة كبيرة سكر
معلقة كبيرة نشا
معلقة كبيرة كاكاو خام
ربع معلقة صغيرة نسكافية (قهوة سريعة الذوبان)
60 جرام قطع شوكولاتة أو شوكليت شيبس
طريقة التحضير:

- اخلطي كل المكونات في كاسرولة أو حلة على البارد لحد ما المكونات تمتزج مع بعضها كويس.
- حطي الكاسرولة أو الحلة على نار متوسطة وقلبي كويس بمضرب سلك يدوي وأول ما الصوص يبدأ يتقل ضيفي قطع الشوكولاتة أو الشوكليت شيبس مع التقليب المستمر لحد ماتحصلي على القوام المطلوب وبعدين ارفعيه عن النار وضيفي الزبدة أو الزيت وقلبي كويس وسيبيه يبرد، وبعدين حطيه في برطمان محكم الغلق ودخليه الثلاجة لحين الاستخدام.

- بلاش تسيبي الصوص فترة طويلة على النار عشان ميبقاش تقيل، ولو حسيتي إنه تقيل هتزودي شوية حليب، كل ما كان الحليب أكتر كل ما كان الصوص أخف.
- يستخدم الصوص في تزيين الكيك والحلويات بأنواعها.



الطريقة الثانية 2️⃣

المكونات:

كوب حليب
كوب سكر بودرة
كوب زيت
نصف كوب كاكاو خام
طريقة التحضير:

- نحط الحليب والسكر في الخلاط الكهربائي ونضربهم كويس لحد ما يمتزجوا كويس والسكر يدوب.
- نضيف الكاكاو ونضرب كويس لحد ما الكاكاو يدوب.
- نبدأ بإضافة الزيت للخليط خيط رفيع بالتدريج مع الإستمرار في الضرب لحد ما يتكون معانا صوص الشوكولاتة اللذيذ، ولو حابة الصوص يبقى تقيل أكتر زودي كمية الزيت.
- استخدمي الصوص في تزيين الكيك والحلويات والآيس كريم وممكن تحفظيه في برطمان زجاجي وتدخليه الثلاجة لحين الاستخدام.
جناش الشوكولاتة لتغليف الكيك



المكونات:

كوب كريمة خفق سائلة
كوب ونصف حبيبات شوكولاتة ( نصف حلوة )
10 جرام زبدة بدرجة حرارة الغرفة

طريقة التحضير:

نحط كريمة الخفق على النار لحد ما تسخن وبعدين نرفعها عن النار ونضيف عليها حبيبات الهيرشي، ونسيبها لمدة دقيقة بدون تقليب وبعدين نقلب لحد ما الشوكولاتة تدوب وتتجانس وبعدين نضيف الزبده ونقلب لحد التجانس
يستخدم للتورت وتزيين كيكة الشكولاتة...



صوص التوفي


المكونات:

كوب سكر
كوب حليب سائل
كوب الا ربع حليب بودرة
رشة ملح
طريقة التحضير:

- في حلة على نار متوسطة ندوب السكر على النار يبقى طبقة واحدة ونسيبه بدون تقليب هنحرك الحلة بس من وقت للتاني عشان نوزع السكر وأول ما يبدأ يتكرمل نقلبه بالمضرب السلك ونضيف الزبدة ونقلب كويس لحد ما الزبدة تسيح.
- نضيف الحليب الساخن بالتدريج مع التقليب المستمر لحد ما المكونات تتجانس وبعدين نضيف الحليب البودرة ونقلب كويس جداً وبعدين نرفعه عن النار.
- يستخدم لتزيين الكيك والكاب كيك والبان كيك والوافلز والأيس كريم.
ملحوظة
لصوص توفي قوامه تقيل:
هنزود ربع كوب حليب بودرة يعني كوب كامل بدل كوب الا ربع ونسيبه على النار لحد ما نحصل على قوام تقيل والتوفي التقيل نقدر نستخدمه في الحشوات المختلفة..



صلصة الفراولة



المقادير:

750 جرام فراولة مقطعة انصاف
ثلث كوب سكر
معلقة صغيرة فانيليا سايلة

طريقة التحضير:

- فى حلة على نار متوسطة نحط 500 جرام من الفراولة ونضيف السكر والفانيليا.
- نقلب ونطحن الفراولة باستخدام معلقة خشب عشان نخرج العصير منها
- نقلب ربع ساعة لحد لما الخليط يتكاثف ونرفع الحلة من على النار
- نفرم الكمية اللى باقية من الفراولة فرم خشن ونضيفها للصلصة
- نخلط المكونات كويس ونسيبها تبرد.
- نعبى الصوص فى برطمان محكم الغلق وتحفظ في الثلاجة لحين الاستخدام.
- يستخدم صوص الفراولة لتزيين الحلويات بكل انواعها...


صوص الكراميل


المكونات:

كوب سكر (200 جرام)
معلقة كبيرة ونصف زبدة
كوب حليب (200 مل)
معلقة كبيرة نشا مذابة مع ملعقتين كبار حليب
رشة ملح

طريقة التحضير:

- نحط حلة كبيرة على نار متوسطة ونسيبها تسخن وبعدين نضيف السكر فقط بدون ماء ونسيبه وأول ما يبدأ يتكرمل من تحت وياخد لون من الأطراف نقلبه بالمضرب السلك وأول ما ياخد لون ذهبي متوسط نهدي النار خالص أهم حاجة نقلب كويس عشان مايعملش كتل.

- بعد السكر يدوب نضيف الزبدة ونقلب كويس لحد ما الزبدة تسيح.
نضيف الحليب الساخن على الخليط ونقلب كويس لحد ما المكونات تمتزج مع بعضها وبعدين نضيف خليط الحليب والنشا ونقلب لحد ما نحصل على القوام المطلوب وبعدين نضيف رشة الملح ونقلبها كويس ولو حسيتي إن فيه تكتلات ممكن تضربيه بالهاند بلندر أو في الخلاط.

- نصب الكراميل في برطمان محكم الغلق ونحط كيس نايلون على وش الكراميل ونغطية بغطاء البرطمان ونسيبه يبرد.

- ممكن نحفظ صوص الكراميل في الثلاجة أو الفريزر لمدة 3 اسابيع.
- يستخدم صوص الكراميل عادة في أنواع مختلفة من الحلويات ويدخل في تحضير بعض أنواع الفطائر، بيدي مذاق مميز جداً، ويمكن أن يستخدم في الزينة بحيث يتحط فوق العديد من أنواع التورتة والجاتو والمثلجات، وممكن نستخدمه في العصير المثلج أو المشروبات الباردة المختلفة.


الحليب المكثف (الأصلى) ببساطة



المقادير

لتر حليب كامل الدسم (4 كوب)
230 جرام سكر (كوب وثلث)
الطريقة

هانضيف السكر على الحليب فى حلة على نار فوق المتوسطة ونقلب بإستمرار لغاية ما السكر يدوب والحليب يبداء فى الغليان
بعدها نهدى النار عليه جدا ونسيبه يبخر الميه بتاعته بالتدريج مع التقليب كل 10 دقايق عشان مايشيطش من قعر الحلة (يحترق)
مع الوقت القوام هايتقل ولونه هيميل للون الأصفر .. نسيبوا لغاية ما يوصل للقوام المطلوب ونراعى إنه بيتقل اكتر لما يبرد ... بياخود على النار تقريبا من 30 ل 40 دقيقة.
وخلاص كده بيكون جاهز....

طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لك.

سلمت يمناك ع روعة طرحك
نترقب المزيد من جديدك
الرائع والمفيد
تحيتي لك

سلمت الأيَادي ..
وَ يعطيك العَافية لـ جمَال الآنتقاء
لروحك جنائن الوَرد.

قلة من الناس أولئك الذين حازو السمات الانسانية الطيبة والتواضع والكفاءة فهم يسبحون وحدهم في فلك النيل وبعلو القدر والاحترام فسطرت قلوبنا قبل أقلامنا لكم سطور الاعجاب والشكر الدائم للجهودكم والعطاء و سلمت الانامل النقية على ماطرحتم وابدعت اناملكم الواصفة مفعمة بالجمال وحسن الابداع في مخراجته طرح في غاية الابداع والقيم ننتظر المزيد من العطاء القادم بشوق دمتم بسعادة دائمة لكم منا باقات الياسمين يسلموااااااااااااااااااااااا القيصرالعاشق البـــــ مديح آل قطب ـــــــرنس

/
يعطيكِ العآفية على نقلك المُفعمِ بـ الجمال
كُل الشُكر ولاعدمنآ كل جديدك