حيطان بيتنا .. بقلم تامر النقيب .. نص تم نشرة خاج رواية عشق

حيطان بيتنا
بتسألني عليك فى اليوم ٢٠٠ مرة
وحتي عطرك المتساب علي كفوفي
ونظرة عيني من شوفتك
طواها غيابك الجارح
وقلبي يدق من شوقه ملاه خوفي
وحق من خلق حسنك
وخلاكي سكنتي الروح
أنا عاشق لأنفاسك وإحساسك
وكل كلامك الشربات
ياست الحسن يا مالكه شراييني (أحبيني )
وخبيني بين ضلوع روحك
وخليني جوة منك أبات
وخلي قلبك الفضفاض وطن ليا
يكون ثورة وحريه
وأرفع لجلك إنتى رايات
وأعيش مسجون مابين حاجبك وبين خدك
واكون حدك ساعات وساعات
ومين فى الدنيا ميحبش ملاك نازل من السموات
يابخت اللى يحب بجد
ويبقي حبيبه ليه دنيا
ويفضل طيفه بيشاغله
برغم البعد فى المسافات
ما أنا الدرويش بتنورة
وتايه جوة ملكوتك يا أمورة
بلف لوحدى لما أسمع رنين صوتك
كأنه الناي ومنه آهات
أنا اللي رسمت صورتك وشم
علي دمي وبنسي بيكي أنا همي
ولو لجراحي هضمي
هتبقي لي كطوق ونجاة
سنين العمر قضيتها طوفان م الحزن
ولما كنت بفتكرك يرق القلب والله يأن
فعاوزك ترجعي تاني
تجيب حزنك النايم وتاخدي أحلي أيامي
يا كل اللى خلاص عدي وجايه تاني قدامي
ياعطر من الإله سبح وتسبح منه أنغامي
أنا شاري وهغسل نفسي من ذنبي
عشان ترضي تسامحيني
فأرجوكي بكل مشاعرك الفياضه حبيني
كفايه البعد موتنا وخد من تعبي والله رقات
فخليني أطمن نفسي بوجودك
ومن جودك تضمي قلبي لو لحظات

تامر النقيب
#خربشات_نقيبيه