أحب صوتك

تحبك روحي وأحسك نفس هالروح

و توحشني بدون أسباب مدري لـيـه

يا كيف أشرح لك إحساس أكبر من البوح

في قلب إيحبـك أكثر ما يحب راعـيه

أحب صوتك هذاك اللي دوى لجروح

أحب إسمك وأضيع إن مرني طاريه

أنا ما قول في بالي تجي و إتـروح

أقول لـك إنتَ بـالي وأنا أطري فـيـه

أنا في عـيونك القاني سما و طموح

يا لبي الناعسة وراعـيـها يا لـبيه

وغلاك بمهجتي كثر الفضا مفتوح

وفي ضلـوعك أنا لي قلب أمخبيه

رضاك بدنيتي هو سعدي والمربوح

رضاك أزعل الدنيا عشان أشريـه

وعلى جمر الحسد دام الدلال إتفوح

بنـتـقـهـوى المحبة و جمرها نطـفـيـه

خذ عـيـوني وإقرى ما خفاه البوح

وخذ عمري بلاك العمر أنا ما بيـه

أنا من حبي لك تسألني حتى الروح

أهو قلبي أنا أو حضرتك راعيه


( منقول )

-


كلمات رائعة جدًا
شُكرًا على جمـال طرحك المميز
لا حرمنا الله من إبداعك المُستمر
و الله يعطيكِ الف عافيه .
لك

طرح جميل
يعطيك العافيه

طرح رائع يعطيك الف عافية

كلمات راقية
شكرا لذوقك الرفيع

،



موضوع مميز
سلمت ع روعه الموضوع وابداعك
كنت هنا