نطوي مع الأيام عـام ٍ ورا عـام

وتمر ساعات الفـرح فـي دقايـق
أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق

أخوك بالفزعات ضـاري( وعـزام)
يشوقني للطيـب والخيـر شايـق

وترى البشر ياخوك منقسمه أقسام
بين الردى والطيب شفت الحقايـق

لقيت من صلى وزكا ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام إمتضايـق

الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـر ٍ أكيـد ومايبيلـه وثايـق

يالله عسى ماكون قطاع الأرحـام
وعساي من عقب القبر في حدايـق

جاك الكلام وخذ معه بصمة إبهـام
أن العمـر كلـه مجـرد دقايـق

بارك الله فيك ع موضوعك القيم والمميز
وبانتظار جديدك القادم
ارق التحايا لك

انتقاء راقي و ممرّغ بالشّهد لحلاوته..
الله يسلّم يمينك على روعة الجلب المفيد..
و دام هذا العطاء.

سَلِمت الأنَامِل المُتألِقة لِروعَة طَرحهَا
دَام العطَاء والتَميّز المُتواصِل
لرُوحك السّعادة

سَلمت عَلى رُوعة الطَرح
لاَ حرَمنا الله مِن إبدَاعك
يَعطيك العَافية .

‏
.
.
.
.
.

.
.

_ سَلِمت الأنَامِل المِعطَاءة علَى هذهِ الجهُود
دَام الإبدَاع والحضُور المُختلِف
لِقَلبك السَّعادَة .