وسوم الشوق

وسوم الشوق


مشتاق لك وادري بك الحين نايم
لكن بلاي الشوق بالقلب صاحي

يكفي طوال الليل والسمع صايم
صحصح ابي صوتك بأول صباحي

الشوق ما يرحم ولاني بلايم
سوى نظام النوم زوّد جراحي

متلخبطٍ ما بين انا الحين قايم
والآخر يصادف لنومه مراحي

ولا الغلا فوق الغلا فيه هايم
وهو بعد مثلي وكنه جناحي

معااه أصبح طير بالجو حايم
يلعب على ريشه هبوب الرياحي

ومعاه اشوف الكون مغري وغايم
حتى على وجهي يبين إنشراحي

وبلاه مالي بالسما من غنايم
ما دام جُرِّد من يديني سلاحي

وبلاه انا واسباب حزني لزايم
تْغيب ضحكاتي و يندر مزاحي

شفني إلى من غاب او كان نايم
تلقى وسوم الشوق تظهر كفاحي

لـ الشاعر / ماجد الحجري

طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لك.

موضوع قمه في الروعه والجمال
اسعدني جدآ التواجد هنا
الله يعطيك العافيه

_


سلمت الأيادي ..
ويعطيك العافية لـ جمال الآنتقاء
لروحك جنائن الورد .

منورين

تَحية تلطفهآ قلوب طيبة ونقٌية
آ‘لتميزٍ لآ يقفٌ عندْ أولْ خطوٍة إبدآعٌ
بلْ يتعدآه في إستمرآرٍ آلعَطآءْ