لحظه وداعك
لحظة وداعك جفاك وصدك اسهرني
تشتت فكري وقلبـي عطيتـه لـك ولا صنتـه
تغير قـدري بقلبـك وفيـك ظنـون تاخذنـي
قسيـت وقلبـك القاسـي وانـا للـود علمتـه
خذوني من دفا قلبـك ويامـا كنـت توعدنـي
نسيت الحب و أخبـاره وكنّـك مـا تحضنتـه
تردد لي صدى صوتك ( أحبك ) فيها أطربنـي
وانا لازلـت ارددهـا وحبّـك لـي تجاهلتـه
امانـه لا تخلينـي انـا مـا اقـوى تودعنـي
تعال ارجوك في قلب تركته يمـوت حطّمتـه
ترجيتـك وانـا دموعـي تنـادي لا تفارقنـي
تعال وعالج إحساس جرحته حيـل وأهملتـه
قتلت الشوق في لحظة وداعك وأ نـت ظالمنـي
وحبك مات في مهده حبيبي كيف أعدمته ..؟
تناسيت الغلا وبعدك ياليـت المـوت ياخذنـي
وترحل روح محرومه عزاها حـب ترجمتـه
أحبك والجروح اللـي مـن عنـادي تعذبنـي
تراني حيل ندمان وعنـادي أنـت روّضتـه
كفانـا جـروح ياعمـري طلبتـك لاتزعلنـي
أنا ما اقدر على الفرقـى تعـال بقلـب جننتـه
وضمه حيل لا تقسـي لعالـم ثانـي أسرقنـي
ولحظة حب تاخذنا وهـذا الحـب هـو أنتـه
|
04-23-2023
عضويتي 
العرض الشجري
