مغفور ذنبك روح معلد اشوفك

مغفور ذنبك روح لا عاد اشوفك
اخطيت في حقي وانا مسامحك روح
عذري احبك وانت عذرك ظروفك
والفرق واضح بين جارح ومجروح
سليت لك قلبي وجتني سيوفك
من كل حدب وصوب تطلبني الروح
يا معزبي لا هنت اكرم ضيوفك
ما جيت لك صاحي انا جيت مذبوح
مدري صروف الوقت ولا صروفك
ولا انكتب لي انثر الدمع وانوح
مليت صفعاتك وقسوة كفوفك
ما غير اواسي دمعة الخد بمزوح
ترقص على حزني وتلعب دفوفك
واجر صوتٍٍٍ من عنى الحب مبحوح
لا تهز لي راسك وترفع كتوفك
غدر المشاعر في محياك مفضوح
ما احتاج تبريرك وكذبة حروفك
مابه عذر يشفع خطا منك يفوح
وقّف قطار الهجر لا لا يطوفك
ما عاد لك صاحب ولا عاد لي بوح
ومغفور ذنبي لو طرى لي اشوفك
ما اقدر على الثنتين من قلب او روح

بوركت جهودك المميزة
وجزآكم الله خيرا
دمتم بحفظ الله ورعايته

يعطيك العآفيـه
على الموضوع الروعـه
شكراً لك من القلب على هذآ المجهُود ,
ماأنحرم من عطـآءك المميز يَارب !
حفظك الله ورعآيته .
لِـ روحك باقات الورد

منورين

_



سلمت الأيادي ..
ويعطيك العافية لـ جمال الآنتقاء
لروحك جنائن الورد .

منورين