ليش طالبت بجِفاهم

ليش طالبت بجِفاهم

ليش طالبت بجِفاهم وليش من راحوا بچيت ؟
وليش من طموا سِچچهم ما رضيت ؟
وليش من عَشگوا سمارك ضيّعتهم
وليش من رادوا دفو ضلوعَك وطنهم
تيّهتهم ؟
وليش من غيرك خَذاهم
دوّرتهم ؟
وليش من جَهروا محبتك
ما رِدتهم ؟
صارحت ساعي البريد وگتله كِلشي
گتله أحبهم
وقربِّت ساعي البريد وبَعدتهم
وإنتَ تدري الرايدَك مو بالرسايل
ليش مو حنّوا اديك أحلى الجدايل
ليش تعتِز بغلطتك ؟
ليش تزعل وإنتَ عايل ؟
آخ ، مو فاتوك ربعَك
وإنتَ لا ضميت إديك
ولا رضيت أتحني أصبعَك
ليش صَدگت بحچيهم وآنه گتلك خالفه
وإنتَ تدري السالفة المابيها شاهد، سالفَة
ليش تهوه الذكرى ليش ؟
ليش هسة تگلي أحبهُم وبوكتهم من سألتك
گتلي طيش !
ليش ضيّعت التريدَه ؟
شبيك تايه مَدري وين ؟
شبيك شارِد من قَصيدة
وترجع تطيح بقَصيدة
چيموا يمّ نارك وترفض حطبهم
وعطشت وإنتَ تعرف شط بدربهم
وعلى دربك فتحوا دروب السواچي
ورفضت تشرب عذبهم ،
ليش تزعَل ؟
ليش تزعل من شِفت غيرك شربهم
والتگتلك باب باب أنفتحَن ورافض تطب !
ليش ويّ روحك حَرب ؟
ترسم العثرة بطريقَك وين
ما صَحلك درب .
♡


منقول

طرح جميل
يعطيك العافيه

'























سلمت كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
لقلبك الفرح.

_





سلمت الايادي
ويعطيك العافية لـ جمال الآنتقاء
لروحك جنائن الورد .

لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز

تسلم آيدينك على روؤوعة طرحك وآنتقائك آلمميز
آلله يعطيك آلف عآفية وً عسسآكِ على آلقوة
في آنتظآر روآئع جديدك آلقآدم
دمت بسسعآدهـ...*