وحدي ما بين جدران بقلمي الشاعر محمد البهلوان

وحدي ما بين جدران بقلمي الشاعر محمد البهلوان

وحدي ما بين جدران بكلمها ولاتردتش

وذنب ايه انسان مع ناس مابتحسش

حجر صنم صوان والاسم بنى ادم

حتى الحجر بيلين بنى ادم مابيرقش

عايش في قلبي زحام واحزاني مابتقلش

هستنى مليون عام افرح بقى وافرفش

الفرحة سعرها كام وانا اشتري بعمري

العام وراه العام وانا لسه مافرحتش

الحب مات في زمان يجرح مايهتممش

مين فينا مش مجروح في زمان ما بيملش

طريق واضح العنوان بس الوصول غالي

اجري الطريق قدام هتقف هتتخربش

عايش في وسط ناس مش ناس دولا ديابه

سمعت عن الاحساس في زمانا راح يابا

دلوقتي تلاقي اتنين بيتتقلوا على الميراث

اخوات صحيح لكن ويا الفلوس فركش

تعبت انا وخلاص ولا انا هتحول

ما كفاية من الاخلاص انا قولت من الاول

هبقي زي الديابه ديب ولي انياب

همص من دمهم مانا ديب ومتوحش



في الاربعاء 21-12-2022

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب العمل لحفظ حقوق الملكية الادبية والفكرية والمعنوية