قصيدة للشاعر فهد الميع العجمي"اغلى ثمان فالعمر

اغلا ثمان فالعمر راحت بلاشي
من بعد ما ضنيت بأنها كثاير
النفس والا الحب ما ينتعاشي
لا صار من صوب الحبايب كساير
وين انت ياللي في برا الجرح شاشي
ياللي تداوي علتً ( ف ) ضماير
في مهجتي اليوم منك مناشي
كنك تكويني بروس الزقاير
بيني وبينك لا يطول النقاشي
لا صار في شكك عليه دواير
انا عريق المجد ماني بلاشي
عيبً علي تدخل وتلقا خساير
كني مزكا في قطوع المعاشي
امحق خبر ومحق محب المجاير
ياليت موتي جا وانا في فراشي
ولا سحوق القلب تدمر دماير