احتريك و ادري انك ما تجين

بالمكان الهادي اجلس و احتريك
احتريك و ادري انك ما تجين ..

و يدري النادل بأن مالي شريك
و رغم هذا كنت اطلب قهوتين

الموسيقى خيط الافكار السميك
اللي ياخذني على ذيك السنين

و اجلس اسولف لأيدي عن يديك
لا تصافحنا .. و حنا واقفين

و من عيوني تلمحين اني ابيك
و من عيونك كانت النظرة حنين

كانت عيونك تجمّل حاجبيك
كيف اوصفها و انا شاعر حزين !

وش كثر كان الخجل لايق عليك
لمّا قلتي كيف نتلاقى و وين ؟

بعد ما عاث الزمن فيني و فيك
اقدر اجاوب و لو ما تسألين

بالمكان الهادي اجلس و احتريك
احتريك و ادري انك ما تجين

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك

بارك الله فيك ع موضوعك القيم والمميز
وبانتظار جديدك القادم
ارق التحايا لك

انتقاء متميز
بوركت اكفك للجلب
عميق ودي

طرح جميل
يعطيك العافيه

و من عيوني تلمحين اني ابيك
و من عيونك كانت النظرة حنين

الله خيال ..
صح لسانك ياقلبي