بنـات الاصـول

. بنت الأصول تكمَلك و تساعدك و تسعدَك
و تنفع بيت و سكن و أمان ،
ولو مال بك الحال تسندك بدون ملل ولا معايرة
و تصبر معاك و جنبك
تحِب التراب اللي بتمشي عليه و تبر اهلَك و تصونهم
وتعرف ان قيمتهُم من قيمتَك و كرامتهُم من كرامتَك
بنت الأصول
و انت بره البيت تبقى راجل
و انت جوه البيت تبقى اجمل سِت لك لوحدَك
عارفه حدودها و خارجة من بيت رجالة
و من تحت سقف بيت تكوينه عظيم
و تربية أب عاقل و حنين
و حكيم و كريم ..
هتلاقيها شبعانه من كل شئ ومابتبصش لغيرها
أيا كان اللي ف ايدُه لأنها عفيفة
ومتعففه وعينها مليانة ،
بنت الأصول
تهَون عليك الصعب و عمرك ما تهون عليها ..
تفرح بيك و معاك بكل رزق ونجاح وتحفظ سرك
وتدعم انجازك و تشاركك فيه و تدفعك له وهي
مبسوطة و مقتنعه ..
القليل منك كتير في عينها
،وكلمتك الحلوة عندها تسوى الدنيا باللي فيها !
بنات الأصول
لما بيدخلوا البيوت بيضحوا بكل شئ واي شئ
و بيتحملوا أي صعب عشان البيت
و الراجل اللي حبها واختارها دوناً عن بنات العالم ..
بنات الأصول في الزمن ده اغلى م الدهب و الياقوت
ربنا يسعدكم يارب
تقبلوا كل تحياتى وحبى
الدكتور علــــــى