الروحه ترفه ما أظن يكتل بشر

الروحه ترفه ما أظن يكتل بشر
شبيها هاي الناس ما عدها خجل ؟
بين يوم ويوم نسمع حادثة !!
لو مرة لو رجال لو شاب نكتل
الصوچ مو بالدنيا لا صوچ الخلك
ماكو رحمة وكلها ما تمشي عدل
وگف عقلي من سمعت انا الخبر
اليوم ببلوكة مرة موتت رجل
الما تريد العيشة خل تطلب طلاگ
الزلمة ليش تكتله خلها تنفصل
موش عيب المرة لمن تنفصل
بهالزمان الناس قباضة ارواح
الملك عزرائيل نسمع بي گبل
استهدوا بالله يا خلگ بسكم ذنوب
للمگابر تاليتنه نرتحل
الدنيا رمشة عين باچر تنتهي
ولا يضل زنگيل لا تاجر يضل
ودير بالك لا تلطخهن أديك
بدم المگاريد لازم تنسأل
بشر القاتل بالقتل ربك يگول
والجهنم تاليتك تنسحل
وما تفيد التوبة لو رايد تتوب
لأن الله بالظلم لا ما قبل
وانا أقدملك نصيحة استمع زين
حطها ترچية بأذانك خل تضل
أستعين ب الله دوم اطلب رضاه
وعن درب ربك فلا رجلك تزل

-










يعطيك العافية عَ الآنتقاء الرائِع
دامت صفحاتك بهذا الرُقي وَ الجمَال
لقلبك تلال السَعادة.

منووره سمااا

سَلِمت الأنَامِل المُتألِقة لِروعَة طَرحهَا
دَام العطَاء والتَميّز المُتواصِل
لرُوحك السّعادة

طرح رائع
سلمت الايادي دوم التالق
تحياتي

قطرات الندى على ورقة
أمتزجت برياحين الحياة ..
لجمال ما نزفت به اقلامكم ..
ولكم
باقه من الورود لهذا الجمال
كل الإحترام والتقدير ..