مهما حصل لا يمكن أخليك

أنا ورب البيت لو يخذلونك
مهما حصل لايمكن إني أخليك..!!

أترك كلام الناس لايهمونك
وأسمع كلام اللي يعزك ويغليك..!!

راجع حساباتك بلحظة سكونك
وخذها نصيحه جعل ربي يعافيك..!!

تفهمك ناس وناس مايفهمونك
وتتبع لناس وناس تتبع خطاويك..!!

ناس تفكر همهم يسعدونك
وناس تفكر كيف تقدر تبكيك..!!

لاتشتري من حاولوا يخسرونك
ولا تخسراللي فكر بيوم يشريك..!!

مافيه أجمل من صديق يصونك
ولافيه أقسى من قريب يعاديك..!!

أكبرخطأ نسيان من يذكرونك
وأعظم وفاء ذكرك لشخص ناسيك..!!

أكبرعناد تخون شخص يخونك
وأجمل أمل حب جديد يناديك..!!

أصعب سؤال إللي تجيبه ظنونك
وأكبرغباء إنك تغير مباديك..!!