ياقلب لاتشره على غلطة الغير

ياقلب لاتشره على غلطة الغير
ولاتعاتب العالم على كل زله

الناس واجد والنشاما بهم خير
ومن عاف قربك ياابيض الوجه خله

لوانت بالدنيا تذوق المعازير
اصبر وكافح الزمن كل عله

والحر ماياكل طعام العصافير
ويموت ومايرضى لنفسه مذله

وانته ربيت بماكر للاساطير
ورقيت منهم للنجوم المطله

ولاتنزعج لوجتك بعض التفاكير
اللي يعقد الحبل لازم يحله

والعمر فرصه والليالي مقادير
ورزقك على اللي خالق الكون كله

قل للشيوخ اللي تهز الطوابير
بعض الشيوخ يموت وهو في محله

والموت لنا ماخلى قيس وزهير
ياليت بعض الناس عقله يدله

احدٍيفكر كيف رد المخاسير
واحدٍولافكر يصحح سجله

دنيا تغير صاحي العقل تغيير
تمشي بنا من دون مذهب ومله

يالله عسى منها نشوف التباشير
والانموت ولانعيش بمذله

||~




سـلمت آلآيآدي
ع آلآنتقآء الرآئـع والمميز
دمتم وآدآم الله عطـآئكم
تحيـآتي

*

جعل الله أيامك فرح ...
وسعاده أبديه ...
كعادتك لك مع الإبداع موعد ..
لك الود وباقة ورد ...

نص انيق ويليق بذوقك .
لذا شكراً بعمق الجمال , وهيبـة ذووقك
سلم لنا هذا المكنون المُمّيز
اسعدك الله , و لك الشكر أبدًا وَ مددًا ..
كل الــود و التقدير لسموك

طرح وافي
وعطاء باهر
سلمت الايادي ..ودمت بود

-










مكنون جميل
سلم الجهد ولك الشكر أرتال.