هلا باللي يموت من الغلا فيني

هلا بك يابعد حالي وعيني واصدق احبابي
هلا باللي عجزت اّصل من ابعاد الوله بابه


هلا باللي الى مني لقيته ضاع بأهدابي
هلا باللي الى منه لقاني ضعت بأهدابه


هلا باللي يغيب من الفرح فيني ويصحا ..بي
هلا باللي اغاب من السعاده فيه واصحا..به



هلا باللي يموت من الغلافيني ويحيا..بي
هلا باللي اموت من المحبه فيه واحيا..به



هلا باللي يمل من الزعل عني ويرضا..بي
هلا باللي كثر مازعل عليه وعنه ارضا..به



هلا بك كثر مامر الصباح الغث طلابي
هلا بك كثر ماحنّ المكان لجلسة احبابه



سبقتك بالسلام وقمت اهلي بك على بابي
نسيت انك انت اللي جا وجاب العيد من بابه



لك الله والغلا والشوق وشعر فيك سوّابي
سواة اللي لقا نفسه نحيل وضاق بثيابه



أخذتك بالكلام ومانسيت إلاّ بَعَض مـابي
احبك بس أخاف ان الكلام يطول والها..به



احبك حب من كثر قولي نحلت بثيابي
احبك وش اسوي والمحبه تقتل اصحابه



احبك ايه احبك والكلام أكثر من ترابي
واحس اني معاك أوسع من التاريخ وكتابه

-
















سلمت الأيادي ..
ويعطيك العافية لـ جمَال الآنتقاء
لروحك جنائن الورد.

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

_






سلمت الأيادي ..
ويعطيك العافية لـ جمال الآنتقاء
لروحك جنائن الورد .

دام عطائك الراقي
تحيه والياسمين

سكره

نورتي