مــعذور ما دام بــك موتـــي وميلادي

لا تنشد القلب وش عناه وش .. رده
إن قـلت أدلـك يقول الـوقت لـي غادي


عيّت ظروفك رخا .. وش عاد بالشده
خـل المشــاريه لــون المسأله ســادي


اتعـبت الــقلب وهـــو وده ومـــا وده
مــعذور ما دام بــك موتـــي وميلادي


اجيك ضامي غــلا وانــا على عـــده
واي والله ارجع وانا ما احصل مرادي


اجاملك والوله عــندي وصــل حــده
ياليت تدري غلاك اغــلى من فــؤادي


واجد بهالوقت اشوف قــلوب مرتده
وان جيت ابا ارتد معهم ردني منادي


من علمك هالجفا من شار... بالصده
هو ما درى انه طفا بي شمـعة ودادي


من شافني قال هالمغرور مــن قــده
مايدري اني سببك اصارع رقـــادي


اخذت مـــنك جـــروح مـــقبله مــصـدّه
وش حدني لك سوى الاصرار وعنادي


من برد صدرك حرقت وجيــه منهدّه
تعبت ابا ادفى واخاف اولــع شدادي


البحر الاحمر سبب لونه ســهم جـــدّه
ومن كثر عشقه لــها متهيجن هـــادي


ما همّه صدودها مـــا شــح فــي مــدّه
ما اختار رغم القسى وما اختار له وادي


بسلامة اللي سهــر وايــده على خـــده
العب ما دام الهوى ســيّد مــن اسيادي


ايه اعشقك والغــلا مــلعون ابــو جــده
ان قلت عادي حشــى والله مـــو عادي


عرفت هالــقلب وش عنـــاه وش رده
مــعذور ما دام بــك موتـــي وميلادي

-










يعطيك العافية عَ الآنتقاء الرائِع
دامت صفحاتك بهذا الرُقي وَ الجمَال
لقلبك تلال السَعادة.

أَنْتَقَآءْ أَعْتَادُ دُرُوبُ اَلْأَلْقِ وَالْإِبْدَاعِ
اَلصَّمْتِ بِرُفْقَةِ طَرْحِكَ
وَطَن يَسْتَحِقُّ اَلْإِنْصَاتُ
لَكَ اَلْوِدُّ وَأُعَطِّرُ اَلْأَمَانِيَ . .

نص انيق ويليق بذوقك .
لذا شكراً بعمق الجمال , وهيبـة ذووقك
سلم لنا هذا المكنون المُمّيز
اسعدك الله , و لك الشكر أبدًا وَ مددًا ..
كل الــود و التقدير لشخصّك

عطاء وافر
يعطيك العافيه ..ودي

عطاء وافر
يعطيك العافيه ..ودي