من خرب لشتك ابريمر!!-حسين الساعدي

المطر خير المطر خير
لكن ابأرض العراق ايصير نقمه اعله الفقير
والشمس نفعت العالم
بس اجت طلعت علينه جابت اوياها السعير!
احنه عكس الدنيا نفتر
ممكن المايقرء يتنصب مدير!
الجان بارض الدول فاره,,بس اجانه ولزم منصب بالوطن صاير بعير!
من خرب لشتك ابريمر..
اشلون كدريت ابسهوله تلم كل دوني وحقير!
اشلون أسست الفساد وللابد رايح يصير!
راح اصدكه الكال الفياله تطير
لان شفت اتراب طاير جايب اويه كل مرض معدي وخطير!
احنه عكس الدنيا نفتر
العامل الحزبي مهندس ,, وجايجي امشغل الخبير!
الخسر عدنه ايصير الاول , الفائز ايضل بالاخير!
والشعب صفكت ايده,,,
لليفيده ,,
وحتى لو جان الوطن بأسوء مصير!
والشريف ابحاله حاير ,,مدري بيمن يستجير!
رايد اعله الظلم ناصر,,ينتخي وماكو نصير!!
بعد ماضلت سماحه
ابكل صراحه
صاير الدولار يحكم بالجبير وبالزغير!
وباليتامه ماكو حوبه
لان دمعات اليتامه ما ترجع ذاك ابو حسين الأمير!
والقضاء صاير محامي
الكل حرامي
وكل حقير!
((لأن ما عنده ضمير))
((لان ماعنده ضمير))
حسين االساعدي