وانت ماظنك

قد عطيتك وانـت ماضنـك لئيـم ..
.. والنصيـحـه لليـالـي تـذكـره

لاتحرك جرحـي الماضـي الاليـم ..
.. ولاتحسب ان طول بعـدك طهـره

كل جرح يهـون يالجـرح القديـم ..
.. وكل شي قد مضـا معـك اذكـره

جرحي وذكـراك والليـل البهيـم ..
.. حـزت فـوادي بمثـل المنشـره

العذول غراب وانا اكبـر غشيـم ..
.. والجروح الماء وطاريـك حجـره

والزمان اكرم من الحـظ الكريـم ..
.. لانفتح لي بـاب صوبـك سكـره


وحبك اللي لاطرى لي رحت اهيـم ..
.. قمت احسب اصغر كلامك واكبـره


ليتنـي عـاد الهـوا تـوه فطيـم ..
.. انعذلـت لعاذلـي بـس خـيـره


مالقيت من الوفـاء يـااول نديـم ..
.. كون صدق الحزن وجهه وظهـره


عقب رمح الشوق في وجه الصميم ..
.. سيف هجرك في قفاه وشف ثـره


وانت شكلك تحسبنـي فـي نعيـم ..
.. لنـي اخبـي صوابـي واستـره


لايغـرك حلـم رجــال حلـيـم ..
.. مهون اللي مـن سكوتـه فجـره


ولاتحسب الجفن من دمعه عقيـم ..
.. يستحي منك والى اقفيـت انثـره


ولايغرك وان بدا جسمـي سليـم ..
.. والله ان جسمي سـوار المقبـره


والله ان امر من ضحـك الغريـم ..
.. شوف حقي بين اياديـه اشكـره


والله ان احر مـن دمـع اليتيـم ..
.. دمعة الرجـال مـن فرقـا مـره



الشاعر محمد بن فطيس المري

طرح جميل
دام التألق ودام عطاء نبضك
كل الشكر لهذا الإبداع والتميز
لك مني كل التقدير
وبآنتظار روائع جديدك بكل شوق
ودي وعبق وردي..~

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

سلمت الأكُف لجَمال الطرح ،
لقلبك السَعادة .

-


















يعطيك العافية عَ الآنتقاء الرائِع
دامت صفحاتك بهذا الرُقي وَ الجمَال
لقلبك تلال السَعادة.

سلمت الايادي
ويعطيك العافية لـ جمال الآنتقاء
لروحك جنائن الورد .