علمتني كيف أعشقك موت بسكات .
ياللي خذيت القلب في ظرف لحظات
ياللي سكنت ابداخلي في ثواني
من يوم شفتك رحت بي للمسرات
خذيتني في حبــك لجــو ثــانى
جـو المحــبة والوفــاء والمصافاة
وابـعدت عنى قــيدهم طــوانى
علمتني كيف أعشقك موت بسكات
كيف اوصل لقلبك وأنا في مكاني
لملمتني بشويش من بين الأهات
داويت قلب كان قلــبك يعــاني
أعطيتني يمناك رغم المسافات
زرعت بي حب الأمــل والأمــاني
لا قلت أبشكي قلت لي يالغلا هات
باخذ همومك وأحضنك في حناني
أنت الحنان أصلاً خذا منك عادات
وأنت الحلا له في صفاتك مواني
نبرات صوتك غيرت كل مافات
(بالوشوشه) مثل النغم والأغاني
مقدارك أكبر من جميع العبارات
والمعذرة كان الخطا من لساني
|
06-23-2022
عضويتي 
العرض الشجري
