وشلون أعبر عن غرامه !! ،، وش أقول ؟

وشلون أعبر عن غرامه !! ،، وش أقول ؟

خلي وأحبه حيل ،،، وآموت أنا فيه

أول ماشفته ،،،، دقت بقلبي اطبول
وآسرجت خيلي ، يم قلبه ، وناويه

والمعركه ،، دارت رحاها على طول
ثم أنتهت ،،،، وأنا آسيره ، وهاويه

حبه سحايب عشق ، وآمطار ، وسيول
وصده دمار الكون ،، في عين غاليه

الشوق دايم ،، بين الأحباب مرسول
وشوقي سمو الحب ، وقايد مساعيه

والثقل ،،، عن فرقى المحبين ،، مسئول
والصد باب ٍ ،، للزعل ، والمشــــــــاريه

أمر المسافه ،، ياهوى البال محلول
اللي يبيك ،،، يسوق لجلك خطـــاويه

الحول عدى ،، ثم على الحول ، جا حول
والغايب اللي مارجع ،، وين آراضيه ..

آصبحت أنا ،، من حبه اليوم مقتول
والحق له طلاب ،، من صوب راعيه

مير القضيه ،، سُجلت ضد مجهول
والوقت زادت ، في عيوني بلاويه

زود ٍ على اللي فوق متني ، من احمول !
صده جرحني ،، لكن الله يجــــــــازيه

العقل والمنطق ، في هالحاله يقول
اللي يصد ،، الله معه ،، لاتناديه

بين مواضيعكم نجد
المتعة دائماً
وفقكم الله لقادم اجمل

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

سلمت الأكُف لجَمال الطرح ،
لقلبك السَعادة .

بين مواضيعكم نجد
المتعة دائماً
وفقكم الله لقادم اجمل

كُلّ الشُّكْر وَالتَّقْدِير
مَوْصُولٌ بحدائق وَرَد غِنَاء