ممنون يا كل الغلا،

ممنون يا كل الغلا، حيل ممنون
احساسك الغالي يزيدك ميانة

تحبني يا دنيتي حب مجنــون
يستاهل ارخص كل عمري عشانه

خذ كل كلي، فدوتك قلب وعيون
انا مع حبك كسبني رهانه

لا صرت لي ما عاد ابي شي بالكون
يكفي غرامك لو غمرني حنانه

ابيك كثر اهل الهوى ما يودون
وقلبي لك شوقه وتملك زمانه

فيني لشخصك فوق ما هم يحبون
و اشوف لك بالروح أغلى مكانه

لو اجمعوا من العواشق مليون
ما وصلو عشقك بقلبي أمانه