وشيلت عيني اعله دربك - عريان السيد خلف

ناري بيه
وشيلت عيني
اعله دربك من كثر ما فرفحت من مايهه
الما غسل كلبك
شيلتها..
وأملتها ابشوفتك وبطاري كربك
جذبتني..
وحملتني اذنوب وذنوب العتب
زود اعله صبرك
ونته
ياشاخه وتعدت
بدوفه وعايف مصبك
فيضت عمرين بيه وعطشتني
يالتعودنه اعله مايك
غيرنه اشلون اليشربك !!
ترس عينك مستحاي
وللعتب سنين تضحك !!
وشكثر ليلك جواني
وروحي عطابه اعله جرحك
لو كضت لو هدهدتهه
اوياك دووم اوياك تشرك
ومدري بأمرك ؟
ونته لاضنة وفه
ولا وصل يالوصلك فرحتي
ابكه اكل للروح لو جرحي انلجم
ياروحي سكتي
بيش اجيتي ؟
وبيش رحتي ؟
شيبت منج وشيبتي
من كثرفيض الحجي الزايد
مثل طوفه انهدمتي
ومدري احير بلوعتج !
لو احيرن ابعملات وكتي ؟!
وانه يا انه اشكثر ليل البعد سامردمعتي !
وشكثر ونت خلك !
وانه الولا تنشال ونتي !
لو أهدلهه الرسن
جا ملخت لاكات ريتي ..
وهاي انه اوياج ابهده
وياروحي من روحج جزعتي
انه انه ..
وانتي انتي ..
لو اراويج الصبر
لو بيج اجي اعنايه اعله ذلتي
وادري بيج امعذبه
وضكتي المرار وعيب تبتي
يالمثل كطرة مطر ..
وبصبخة البذات ضعتي
مدري شمضيعه ابخلك
بيهم سبع موتات متي !
لا استحيتي من الصبر
لامن حجي العالم خجلتي
وكالو اعليج اجهرت
واتعطل الليل وعتبتي
وضيعوا بيج العرف
ونتي العلى المامش ضمدتي
لاعتب فت الصخر
لا بالكلب ساكن تحرك
يالتعودنه اعله مايك
غيرنه اشلون اليشربك!

كلمـــات رائعــــــــــــه
وانتقـــــــــــاء مميز
يعطيـــــــــــــــــــــك آلف عافيـــــــــــــــــــــــــه

بين مواضيعكم نجد
المتعة دائماً
وفقكم الله لقادم اجمل

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ

كل الشكر على طرحك الرآئع
وفي انتظار ابداعك القادم بكل شوق
لك وافر التقدير
تقبل مروري المتواضع

انتقاءك جميــل
يعطيك العافيه يارب , ع الموضوع ! دمت ودام ابداعك
ودي