صحيح أحبك ومنت انسان بايعني

صحيح أحبك ومنت انسان بايعني
ألقاك لا احتجتك .. وتحتاج تلقاني !

ملكت قلبي وربي فيك ولعني ..
ونويت قربك وجيت الشوق سرّاني !

كنت أتمنى نصيبي فيك يجمعني
والحين صرتي على ذمة رجل ثاني !

شوف القدر فيك عيّا لا يطاوعني
حطّم قلوب .. وهدم آمال وآماني !

ياما على درب وصلك شوقي يدفعني
ويردني عنْك ( سِلم أبوي وجداني ) !

أحلام عمري تلاشت يا موادعني
حتى الفرح من رحلتي قام يجفاني !

دبلته بـ إيدك ولكن شاللي يقنعني؟
لا صار حبك تولّى عروق شريااني !

أنا ( ضحية غرامك ) يا مضيعني
بجهاد حبك وضيم الوقت وأحزاني !

بالعقل ابنساك لكن قلبي ضيعني
يصون حبك .. ويبقى لك عمر ثاني !

ذكراك لا جيت أبنسى لك ترجعني
وأسج معها وأنسى الناس وأنساني !

وإن كان فرقاك دمرني وموجعني
الكون فاني وأنا مثله بعد فاني !

بقول كلمه وركّز فيها واسمعني
ماهو عشانك ولكنه علشاني !

لأوقاتي الماضيّه ؟ طالبك رجعني ..
مدااام صرتي على ذمة رجل ثاني !.

-














سلمت الأيادي ..
ويعطيك العافية لـ جمَال الآنتقاء
لروحك جنائن الورد .

بشكرك علي المرور

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يسسلمو علي المرور

انتقاء مميز
يعطيك العافيه
ود