ملتنه السجج.

ملتنه السجج.
.
....................................
ملتنه السجج ..
والتعب هد الحيل...
مشينه ادروب...ماحققنه كل غايه..
اغربل بلحجي ...
والناس عشر اوجوه...
غربيلي صفالي...بغير حبايه...
الصدك اصبح قليل...
ابلايه شراي...
صدك حتما يضيع...التجذب اهوايه...
يسولفلك سوالف....
واليمين اشكال...
بلواقع ابد ...لتصدك احجايه...
وهموم الوكت ماتنحمل...
ياصاح...
لاتمن الغير ..وتاخذ برايه...
أخذ عبره بحياتك...
والدروس اهواي...
ابنادم مو نبي...
ومايقترف سايه...
بس واجب عليك..
اتسولف وي الروح....
هنا حدج يروحي....وبسج اكفايه....
الدنيه صور...
بيهه حكم وامثال...
ميريع زرع..من ينكطع مايه..
سنين العمر خلصن..
ماعرفنه الصار...
تمر مر الكرام.. بغير كل ثايه...
من تعتب عليمن...
ياكلب شتريد....
بيك النبض جل...ورافع الرايه..
تحملت اشكثر..
من. ظيم الاصحاب...
مرايه...ولو جفيت..
اتصير سلايه...
تعس بي من زغر متحمل الاه..
شلبيته...
وصعد بايه..باثر بايه..
لتلوم الزمن...
بلبشر عمي العيب..
يتعنه اعل باطل صدك اعنايه
................................. ..
م.