ورث سلطان..

أنه من أدگ اچدامي
عل الگاع أنقشلي دوله
ورث سلطان اسمي ،
بس ينذكر كلها توگفله
كسرة الخاطر جبيره
وبخاطرك لگلبي اتذله
وآنه بلزمة شاربي
كل ديوان بدلاله أحله
واگف عل طولي
أجهب موت وأگولن سهله
آنه أبن الرضرضها البين
وللحزن تندله
وكلف وگفت الهادود
عله بابي وخنجره يميله
بعد ما ولدته امه أبد
ولا أعترف بيه من يا مله
عله طاري الموت
بلچن يتوهدن عني ويسئله
افرشهن اسنيني لجاي
بگلب صافي بلايه خله
وآنه الچفيت الليل
ورهمته يلوگ علوجهك كذله
وجريت اثيابه وإنجيماته
لعيونك صارن كحله
يلمرصعة ترافة على طولچ
والترافه إلج تحله
شهگة اشفافج مراشف الگهوة
والخصر دلة
منين ما اشوفج هيبة الديوان
والشان بيج يعله
ساعة وتغيب الشمس
ويچلچل الليل بكتر خله
تعال اخذني امفرفح اسنين
إعليك وبيه الف عله